मातृकाया पार्टी कन्हय् वइगु
नेकपा -माओवादी) यात हानं म्वाकीगु
माओवादीया केन्द्रीय दुजः मातृका यादवं कन्हय् छगू पत्रकार सम्मेलन यानाः एकीकृत नेकपा (माओवादी) परित्याग यानाः न्हूगु पार्टी ठन यायेत्यंगु दु । सूत्रया कथं थुकिया निंतिं वय्कःया तयारी ज्या पूवनेधुंकूगु दु ।थ्वहे झवलय् 'सन्ध्या टाइम्सं' यादवयात टेलिफोन सर्म्पर्क यानाः न्यनेकने यानाबलय् वय्कलं थौं थम्हं छुं खँ मधायेगु व कन्हय् पत्रकार सम्मेलन मार्फ थःगु खँ स्पष्ट यायेगु जुइ धयादिल । 'छिं पार्टी गठन यानादीत्यनागु खःला -' धइगु न्ह्यसःया लिसलय् नं वय्कलं पत्रकार सम्मेलनय् वयेत इनाप यासें अन हे फुक्कं खँ स्पष्ट यायेगु जानकारी बियादिल ।
थ्वहे झवलय् माओवादी पार्टी रवक्ता दिनानाथ शर्मायाके 'सन्ध्या टाइम्सं' स्वापू तयाः मातृका यादवं कन्हय् पार्टी ुनर्गठन याइगु बारे न्यनेकने यानाबलय् वय्कंल थुकिया बारे थम्हं छुं मसिउगु खँ कनादिल । 'मातृका नाप जिगु स्वापू मजूनि अथे जुयाः जिं थुकिया बारे मसिउ' वय्कलं धयादिल ।
माओवादीया केन्द्रीय दुजः मातृका यादव ताः इलंनिसें माओवादी दुने असन्तुष्ट जुयाच्वंगु खः । वय्कलं माओवादीं क्रान्तिकारी धार त्वःतूगु द्वपं बियाः आः थम्हं हाकनं पार्टर्ीीर्ुनर्गठन यानाः नेकपा -माओवादी) यात पुनर्जीवित यायेगु खँ धायेगु यानाच्वनादीगु दु ।
थ्वहे झवलय् मेखे रविन्द्र श्रेष्ठ नापं पार्टी वःताः पिहां वःम्ह मणि थापां नं आः क्रान्तिकारी धार दुपिं माओवादी कार्यकर्तात मुंकाः न्हूगु पार्टर ायेकेगु खँ धाःगु दु । उकिया निंतिं वय्कलं नं भाजु यादवयात स्वापू तयाः छगू हे पार्टर्ीीायेकेगु धकाः प्रस्ताव तयाच्वंगु खँ धाःगु दु । तर यादवं धाःसा मेपिं नाप जानाः मखुसें खास यानाः तर्राई केन्द्रित क्रान्तिकारी पार्टी ायेकेगु सोचाई तयाच्वंगु खँ सूत्रं धाःगु दु ।
