बिदा सम्बन्धी न्हूगु नियम

बिदा अप्वल तर ज्याकू बन्द जुइ मखु

सरकारी बिदा सम्बन्धी न्हूगु व्यवस्था यायेगु लागिं गठित 'उच्च सरकारी कर्मचारी विदा पुनरावलोकन समितिं' न्हूगु विदा सम्बन्धी थःपिनि सुझाव सरकारयात लःल्हाःगु दु । यदि मन्त्रिपरिषदं थुकियात स्वीकृत यात धाःसा थ्वहे वइगु वैशाख १ गतेनिसें न्हूगु बिदा लागू जुइ ।समितिं लःल्हाःगु प्रतिवेदनय् आवंलि राष्ट्रिय, धार्मिक पर्वय् नं सरकारी ज्याकू बन्द मयायेगु सुझाव बियातःगु दु । थ्व सुझावयात मन्त्रिपरिषद्य् यंके न्ह्यः सचिवत निं च्वनाः सहलह याइगु ख“ धाःगु दु । सरकारी बिदा सम्बन्धी आधिकारिक जानकारी बीगु सूचना विभागं पिकाइगु क्यालेण्डरय् थ्व ख“ दुथ्याकेमाःगुलिं थुकिया कार्यान्वयन सम्बन्धी निर्ण्र्ाायाकनं यायेमालीगु ख“ नं धाःगु दु ।

समितिं आः राष्ट्रिय विदा धकाः न्हय्न्हु जक बीगु जूगु दु । उकी वैखाख १ गते न्हूद“, गणतन्त्र दिवस, बुद्ध जयन्ती, मजदूरत दिवस, संविधान दिवस, मिसा कर्मचारीं जक काये दइगु नारी दिवस व अपांग कर्मचारीं जक काये दइगु अपांग दिवस दुथ्याः । अथे हे धार्मिक सांस्कृतिक बिदा अर्न्तर्गत मोहनिया स्वन्हु, स्वन्तिया छन्हु, क्रिसमया छन्हु वर् इदया छन्हु बिदा बीगु सुझाव नं उकी बियातःगु दु । थ्व बाहेक मेगु ८ निसें १० न्हु तक कर्मचारीतय्सं थःत माःगु इलय् पर्व बिदा काये फइ । थ्व फुक्क विदात सरकारं निर्धारण याना बिउगु जूसां वकुन्हु धाःसा सरकारी ज्याकू बन्द मयायेगु ख“ उकी धयातःगु दु । छुं जुयाः आपालं कर्मचारीं बिदा काइगु न्हि लात धाःसा मुक्कं ८० प्रतिशत कर्मचारीं जक बिदा काये दइ व मेपिं २० प्रतिशतं ज्याकू वयाः हे ज्या याये मालीगु ख“ नं उकी धयातःगु दु । थथे जुइबलय् सरकारी ज्याकू न्ह्याबलें नं चालीगु व र्सवसाधारण मनूतय् ज्या अःपुक जुइगु ख“ धाःगु दु ।

थ्व बाहेक न्हापा थें हे आः आइतवाः व शनिवाः निन्हु बिदा बीमाःगु सुझाव नं उकी बियातःगु दु । न्हापा निन्हु बिदा बिया हे तःगु खःसां जुजुया प्रत्यक्ष शासनया इलय् उकियात खारेज याःगु खः । वालय् निन्हु बीबलय् सरकारी खर्च बचे याये फइगु ख“ नं धाःगु दु ।