झापा जिल्ला समन्वय परिषदया तःमुँज्या जुइगु

नेवाः देय् दबूया झापा जिल्ला समन्वय परिषदया न्हापांगु तःमुँज्या थ्वहे वइगु ११३० चौलागा सप्तमि (२०६६ चैत्र २३ गते) सोमवार खुन्हु जुइगु जूगु दु ।

नेवाः देय् दबूया संस्थापक नायः भाजु भक्तिदास श्रेष्ठ मदुगुलीं शोक प्रस्ताव पारित यासें १ मिने मौनधारण यानां न्ह्याकूगु छगू मुँज्यां थ्व खँ क्वःछ्यूगु खः । तःमुँज्या धुलाबारी स्थित पासाङ्ग ल्हामु स्मृति जेसिज प्रतिष्ठानय् जुइगु खः । उकिया लागि भाजु दिनेश शाक्यया कजिसुई छगू समिति नं नीस्वंगु दु । समितिया आर्थिक विभागय् भाजु ध्रुव श्रेष्ठ, गणेश शाक्य, रुद्र श्रेष्ठ व कृष्ण कुल च्वनादीगु खःसा प्रचार विभागय् मय्जु गंगा श्रेष्ठ च्वनादीगु खः ।

झापा जिल्लाय् ४७ गू गाविस व स्वंगु नगरपालिकाय् पप्लेटिङ्ग नापं थीथी नारात दुगु ब्यानर तयेगु, तःमुँज्याय् २० गू खलः/पुचःया प्रतिनिधिनापं पर्यवेक्षकतय्सं ब्वति काइगु खःसा भाजु मल्ल के. सुन्दर नापं थीथी नेवाः विद्वानपिं झाइगु खँ जिल्ला अध्यक्ष श्री कृष्ण उदासं नेपालमण्डलयात जानकारी बियादीगु दु ।

More Stories Like this