झापाय् नेवाः भाय् कक्षा

झापा क्षेत्र नं. ४ डाँगीबारी गाविसय् लच्छियंकया नेवाःभाय् स्यनेज्या क्वचागु दु । नेवाः पुचया नायः भाजु श्री लाल बहादुर श्रेष्ठया नायःसुइ नेवाः देय् दबू झापा जिल्लाया अध्यक्ष श्रीकृष्ण उदासया मू पाहाँसुइ वय्कःया हे सक्रियताय् छगू ज्याझ्वः यासें थुगु स्यनेज्या सुथांलाक क्वचायेकूगु खः ।

झापा जिल्लाया दुजः मय्जु गंगा श्रेष्ठजुं नेपालभाषाया नापनापं थःगु जाति म्हसीकेत दक्वं ज्याझ्वलय् थःगु हे परम्परागत वसःत पुना (हाकु पतासी सिनां) ब्वतिकयादीत इनाप यानादिल ।

येँ नं झायादीम्ह भाजु रवि श्रेष्ठजुं स्यनादीगु थुगु ज्याझ्वलय् थ्यंमथ्यं ५० म्हेसिनं ब्वति कयादीगु खः ।

More Stories Like this