चिनिया प्रधानमन्त्रीयात लाकां

बेलायती भ्रमणय् झायाच्वनादीम्ह चिनिया प्रधानमन्त्रीयात लाकमं कयेकूगु दु । प्रधानमन्त्री वेन जिया वाओयात क्याम्ब्रीज विश्वविद्यालयसं म्हिगः ग्वसाः ग्वःगु सार्वजनिक समारोहसं सम्बोधन यानाच्वंगु इलय् लाकमं कयेकूगु खः । कयेकूगु लाकमं धाःसा प्रधानमन्त्रीयात मलाःगु अन्तर्राष्ट्रिय संचार माध्यमतय्सं जानकारी ब्यूगु दु ।

स्वन्हुया बेलायत भ्रमणय् झायादीम्ह चिनिया प्रधानन्त्रीयात लाकमं कयेकूगु खः । घटनाप्रति चिनिया विदेश मन्त्रालयं गंभिर अपमान धासें च्यूता प्वंकूगु दु । थ्व स्वयां न्ह्यः अमेरिकी तत्कालीन राष्ट्रपति जर्ज डब्लु बुसयात नुगः खँ तयाच्वंगु इलय् ईराकया पत्रकारं लाकमं कयेकूगु खः ।

More Stories Like this