कंगना रोमान्टिक मिसा मखु हं

मोहित सुरीया न्हूगु संकिपा राज - २ या हिरोइन कंगना राणवतं थः रोमान्टिक मजूगु खँ सार्वजनिक रुपं न्ववाना जूगु दु । अले थः रोमान्टिक मजूगु खँ - थः मतिनामि अध्ययन सुमनं नं स्यूगु खँ वं धाःगु दु ।

कंगना व अध्ययनया मतिना थौंकन्हय् बलिउडय् चर्चाया विषय जुयाच्वंगु दु । राज २ म्हितेगु क्रमय् थुपिं निम्ह नापलाःगु खः, गुगु लिपा वनाः मतिनाय् परिणत जुल । थ्व सम्वन्धयात अध्ययनया अबु शेखर सुमनं धाःसा ययेका च्वंगु मदु । शेखर सुमनया धापू दु - 'थ्व ई अध्ययनया मतिना यायेगु ई मखु, थःगु क्यारियर दयेकेगु ई खः ।' अध्ययन धाःसा कंगनाया मतिनाय् वँय् जुया जूगु दु । थुमिगु मतिनां छु मोड काइगु खः व धाःसा स्वये ल्यं हे दनि ।

More Stories Like this