वामदेवया वासः बैंककय

छ्यनय् गम्भीर ल्वय्, थौं प्रमं नापलात

उप प्रधानमन्त्री व गृह मन्त्री वामदेव गौतम छ्यनय् गम्भीर प्रकृतिया ल्वय् जूगु कारणं पूर्ण उपचारया लागिं बैंकक वनीगु जूगु दु । ये“या बासबारीस्थित न्युरो अस्पतालं वय्कःयात थौं डिस्चार्ज यायेत्यंगु दुसा अनं तुं वय्कः बैंकक झाइगु ख“ सीदुगु दु । न्युरो अस्पतालया चिकित्सक डा. उपेन्द्र देवकोटां धयादी कथं उपप्रम गौतमयात साइनास थम्बो-सिस धाःगु ल्वय् जूगु खः । थुकी न्ह्यपुइ हि न्ह्याइगु हिनू जाम जुयाः छ्यों स्याइगु व ज्वर वइगु जुयाच्वंगु खः । वय्कःयात न्यान्हु तक हि छ्वालुइगु वासः नकाः अनं हि वने जीकूगु खःसां पर्ूण्ा उपचार धाःसा बैंककय् वनाः जक याये फइ धाःगुलिं थौं वय्कः उखे झायेत्यंगु खः ।

थौं न्हिनय् २ बजे लिपाया उडानं वय्कः उखे झाइगु ग्वसाः दु । वय्कः नापं वय्कःया जहान, काय व भौ नं दइ ।
वय्कःयात गम्भीर प्रकृतिया ल्वय् जुल धइगु ख“ पिहां वयेवं प्रधान- मन्त्री पुष्पकमल दाहाल 'प्रचण्डं' थौं अस्पताल वनाः वय्कःयात नाप लानादीगु दु । प्रम व उपप्रम दथुइ करिब घौछि ख“ल्हाबल्हा जूगु खः । वय्कःपिनि दथुइ प्रमपाखें उकुन्हु जूगु संवोधनयात क्वातुक लागू याकेगु लागिं भाजु गौतमं ग्वाहालि यायेमाःगु बारे ख“ल्हाबल्हा जूगु खः । प्रमया संवोधन लागू याकेगु लागिं फुक्कं सरकारी संयन्त्र परिचालन यायेगु बारे नं वय्कःपिनि दथुइ सहलह जूगु ख“ धाःगु दु ।

थ्वहे झवलय् उपप्रम वामदेव गौतमयात बैंकक वनाः वासः याकेत माःगु सम्पूर्ण खर्च दिपक भट्ट नांम्ह छम्ह व्यापारीं व्यहोरे यायेत्यंगु ख“ सीदुगु दु । पुलांम्ह जुजु ज्ञानेन्द्रं मिउगु गोर्खा ट्राभल्स थ्वहे ब्यापारीं न्याना काःगु खः । सूत्रया कथं थ्व व्यापारीं गृह मन्त्री गौतमपाखें प्रहरी दुने छगू महत्वपर्ण ज्या याकेत स्वयाच्वंगु दु । नेपाल प्रहरीया वर्तमान महानिरीक्षक हेम बहादुर गुरुङ्ग धुंकाः वइम्ह मेम्ह महानिरी- क्षक सु जुइ धइगु ख“य् विवाद जुयाच्वंगु दु । थुकिया निंतिं आः एआईजीपीत रवीन्द्रप्रताप शाह व रमेशचन्द्र ठकुरी दथुइ प्रतिस्पर्धा जुयाच्वंगु दुसा उम्ह व्यापारीं ठकुरी-यात हयेत स्वयाच्वंगु ख“ धाःगु दु ।