'चाँदनी चौक..' फिल्मया विरोध

बुद्ध भारतय् बूगु दृश्य आपत्तिजनक

उकुन्हु तिनि विश्वन्यंकं रिलिज जूगु हिन्दी फिल्म 'चाँदनी चौक टु चाइना' नेपालय् विवादय् लाःगु दु । थनया जय नेपाल हलय् क्यनाच्वंगु उगु फिल्मया विरोध यासें विद्यार्थीतय्सं हलय् हे वनाः पोस्टर खुइगु व क्यनाच्वंगु फिल्म बन्द याकूगु दु ।फिल्मया छगू दृश्य् भगवान बुद्धया जन्म भारतय् जूगु धकाः संवाद न्ववानातःगु कारणं उकिया विरोध यासें विद्यार्थीतय्सं थ्व पर््रदर्शन याःगु खः ।
विद्यार्थीतय् छगू पुचः थौं जय नेपाल हलय् वनाः अन तिकातःगु फिल्मया पोस्टर खुना बीवं हलं क्यनाच्वंगु फिल्म बन्द याःगु खः । हलया थुवाः भाष्कर ढुंगानां आः स्थिति स्वयाः जक फिल्म पर्रदर्शन यायेगु खँ कनादीगु दु । आःयात थ्व फिल्म बन्द जुइगु जानकारी नं वय्कलं बियादिल ।

नेपालय् क्यनेगु लागिं हयातःगु उगु फिल्मयात सेन्सर बोर्डं धाःसा उगु दृश्य सेन्सर छ्वया बिउगु दु । तर नेपालय् उगु दृश्य सेन्सर जूसां विश्वन्यंकं धाःसा बुद्धया जन्म भार-तय् हे जूगु खः धइगु सन्देश वनीगु कारणं उकिया विरोध यायेमाःगु खँ विद्यार्थीतय्सं धाःगु दु । उखे नेपाल सरकारं फिल्मय् लानाच्वंगु थ्व गलत सेन्दश सहितया दृश्य चीकेगु लागिं भारत सरकारयात इनाप याइगु जूगु दु । थुकिया बारे सञ्चारमन्त्री कृष्णबहादुर महरां भारत सरकारलिसे खँल्हाबल्हा यायेत्यंगु खँ धाःगु दु । मन्त्री महरां थौं हे भारतय् फोन यानाः गलत तथ्य संशोधन यायेत इनाप यायेत्यंगु खः । मेखे नेपाल चलचित्र निर्देशक समाजं थ्व फिल्म बहिष्कार यायेत सकसितं इनाप याःगु दु ।