आकाझाकां भारत सक्रिय

प्रचण्डया अभिव्यक्तिं तःधंगु तरंग

प्रधानमन्त्री व माओवादीया अध्यक्ष पुष्पकमल दाहाल प्रचण्डं वंगु पुस २९ गते 'यदि थ्व सरकार क्वःथल धाःसा व्रि्रोह यानाः सत्ता कब्जा यायेगु' धकाः यानादीगु घोषणा लिपा देय्या राजनीतिक वृत्तय् तःगु वृत्तय् तःधंगु तरङ्ग ब्वलंका बिउगु दु ।उगु घटना लिपा खास यानाः जःलाखःला देय् भारतया प्रतिनिधित थन सक्रिय जूगु दुसा उमिसं थीथी राजनीतिक पार्टरी नेतात नापलानाः खँल्हाबल्हा शुरु यानाच्वंगु खँ सीदुगु दु ।

थ्व इलय् दकलय् लिमलाक ब्वाँय् जुयाच्वंम्ह धइम्ह भारतया साउथ ब्लकलिसे बांलाक स्वापू दुम्ह सभासद् अमरेशकुमार खः । प्रम प्रचण्डं उकथं न्ववायेसातकि मेमेगु राजनीतिक पार्टर्ीी्सं उकियात कयाः कडा प्रतिवाद शुरु यायेवं अमरेश कुमार नेपाः वयाः थुकिया बारे खँल्हाबल्हा याःगु खः ।

अमेरशयात खास यानाः भारतीय जासुसी संस्था 'र'लिसे स्वापू दुम्ह धकाः माने यानातःगु दु । नेपालय् प्रधानमन्त्री प्रचण्डंनिसें कयाः फुक्क धइथें राजनीतिक पार्टर्ीी नेतातलिसे वयागु तप्यंक स्वापू दु । उकुन्हु नं नेपाः वयाखतं अमरेश कुमारं प्रधानमन्त्री प्रचण्डयात नापलानाः वय्कलं न्ववानादीगु धापूयात कयाः नेपाःया थीथी राजनीतिक पार्टर्ीी भारतय् समेत गज्याःगु प्रतिक्रिया वल धकाः खँल्हाबल्हा याःगु खः ।

प्रमयात नापलायेधुंकाः अमरेश कुमारं कांग्रेसया सभापति गिरिजाप्रसाद कोइराला नापं एमालेया महाचिव झलनाथ खनाल व पुलांम्ह महासचिव माधव नेपालयात नं नापलानाः खँल्हायेधुंकूगु दु । अमेरशकुमारया सक्रियताया नापनापं नेपाःया निंतिं भारतीय राजदूत राकेश सूद नं आकाझाकां सक्रिय जूगु दु । वय्कलं नं थ्वहे दथुइ प्रधानमन्त्री दाहालंनिसें कयाः फुक्क राजनीतिक दलया नेतातय्त नापलानाः बिचाः ब्याकेगु ज्या शुरु याःगु दु ।
प्रमया उगु अभिव्यक्तिं यानाः नेपाःस्थित मेमेगु देय्या राजदूतपिंसं नं न्यनेकने शुरु याःगु खँ धाःगु दु । तर थ्व इलय् भारतीय राजदूत व साउथब्लकया विशेष प्रतिनिधि सक्रिय जुयाः छु विषयय् सल्लाह याःगु धइगु खँ धाःसा सीमदुनि ।