थौंया शायरी
न्ह्यः वयेकाः च्वने मजिल ए नेवाः
जुरुजारु दने हथाय् जुल स्व आः ।
इलय् संघर्ष याये मफुसा झीसं
लिपा दनाः अधिकार गनं दइ क धा ?
संस्कृतिया लागि छप्पँ जुइ फुपिं नेवाः
हाकनं छकः संघर्ष यायेत जाये नु रे !
बिना संघर्ष अधिकार दइ मखु झीत उकिं
राजनैतिक अधिकारया लागि नं ल्वाये नु रे
न्ह्यलं अझं मचाः नि ला ए नेवाः
कर्पिंसं मुलुं तिलं नं नुगलय् ?
नेपाल मण्डल ला खँ हे त्वःति
च्वने थाकुल थौं झीगु स्वनिगलय् !
- धन बहादुर 'तिमिला' ।
More Stories Like this
केन्द्रया अनुमति कयाः आर्थिक ज्या जुइ मखु प्वंकेमखंगु श्रद्धांजिल सुवर्ण शाक्य कि सुवर्णकेशरी ? लाःलाःथें भाःथकाये मजिल बांलाःगु सुझावयात सुभाय्
