सर्वसाधारणयात दुःख

सरकारं मत मबिउ धइगु तं प्वंकेत थौंकन्हय् सफा टेम्पोतय्सं लँय् लँय् टेम्पो दिकाः विरोध प्रदर्शन यानाच्वंगु दु । ख ला अथे विरोध प्रदर्शन यायेगु उमिगु नैसर्गिक अधिकार खः । तर विरोध यायेबलय् कर्पिन्त धाःसा असर लाके मजिउगु खः । मत ला थौंकन्हय् सुयात वयाच्वंगु दु छेँय् छेँय् हे मत मदयाः सर्वसाधारण मनूतय्त थाकुयाच्वंगु दु । टेम्पो चालकत ला सतकय् वयाः विरोध यात तर सर्वसाधारण जनता चाहिं गन वनाः विरोध याः वनेगु ? मत मवयाः सर्वसाधारणयात अथें हे समस्या जुयाच्वंगु दु । मत मदुगु कारणं सर्वसाधारण मनूत उखेंथुखें ब्वाँय् जुयाच्वंगु दु । आः लँय् नं थथे अवरोध जुइबलय् बिचरात गन वनेगु ? विरोध याईपंसं बरु विजुली मन्त्रीया छेँ घेरे या ले मन्त्रालय घेरे या ले । सर्वसाधारणयात छाय् दुःख बीगु ?

- अनुप मानन्धर, येँ ।

More Stories Like this