'सैनिक अभियान बन्द याःसा थःपिं वार्ताय् च्वनेत तयार'

भारतीय कम्युनिष्ट पार्टी (माओवादीं) सरकारं २५ फेब्रुआरी निसें न्ह्याकूगु 'अपरेशन ग्रिन हन्ट' नांया हिंसात्मक सैनिक अभियान बन्द याःसा थःपिं वार्ताय् च्वनेत तयार दुगु जानकारी ब्यूगु दु ।

छुं दिं निसें सरकारं न्ह्याकूगु अपरेशन ग्रिन हन्ट विरुद्ध माओवादीं नं अपरेशन पिस हन्ट न्ह्याकूगु दु । छुं दिं न्ह्यःजक भारतीय केन्द्रीय गृहमन्त्री पी चिदम्बरं माओवादीं न्हय्निघौया दुने हिंसा त्वःता वसा: उपिंलिसे वार्ता यायेत तयार दुगु खँ धयादीगु ख: । सरकारया इनापया लिसलय् भारतीय माऒवादीया प्रवक्ता किसनजीं माओवादी विरुद्ध जुयाच्वंगु अपरेशन बन्द याःसा २५ फेब्रुअरी निसें मे ७ तकतक न्हय्निन्हुया थःपिनिगु कारवाही दिकेगु खँ छगू विज्ञप्ति पिथना: सार्वजनिक याःगु खः ।

वंगु वाःलय् जक माओवादीं पश्चिम बंगाल राज्यस अपरेशन ग्रिन हन्टया अर्धसैनिकया क्याम्पय् हमला यानाः नीप्यम्ह स्याना: ब्यूगु खःसा अनं दुगु अत्याधुनिक ल्वाभःत नं कब्जाय् काःगु खः ।

More Stories Like this