निगू न्हूगु आणविक कारखाना पलिस्था यायेत इरान प्रतिबद्ध

इरानं उच्च गुणस्तरया युरोनियम प्रशोधन यायेत निगू न्हूगु आणविक कारखाना पलिस्था यानाः हे त्वःतेगु प्रतिबद्धता प्वंकूगु दु । पश्चिमि शक्ति राष्ट्रतय्त हाथ्या ब्यूसें इरानं आणविक ल्वाभःत दयेकेगु निंतिं उगु युरोनियम छ्यलेगु जानकारी ब्यूगु खः । इरानया उपराष्ट्रपति अलिअकबर सालेहीं जानकारी ब्यूकथं उगु कारखानायात बाह्य आक्रमणपाखें ताःपाकेत देय्या उच्च पहाडी भूखण्डय् गाःवंगु सुरुङ्ग दयेकाः पलिस्था याइगु जूगु दु । वइगु इरानी दँय् उगु निगुलिं कारखाना दयेकेगु लक्ष्य तःगु जानकारी ब्यूगु दु । इरानी न्हूदँ अर्थात अंग्रेजी तिथि कथं वइगु मार्च महिनाया २१ तारिखनिसें न्ह्याइ ।

More Stories Like this