निदरल्याण्डसय् सत्ता समीकरण
अफगानिस्तानय् सेना तनेगु वा मतनेगु विषयस सत्तारुढ दलत दथुइ अप्वःगु मतभेदं निदरल्याण्डसय् सत्ता समीकरण हे हिउगु दु । क्रिश्चियन डेमोक्रेटिक पार्टीयाम्ह प्रधानमन्त्री जोन पिटर बाल्केन्डें थःगु पार्टी सरकारपाखें पिहांवनेगु घोषणा यायेवं सरकार क्वःदःगु खः । लेबर पार्टीयापाखें सरकारय् नेतृत्व यानाच्वंम्ह अर्थमन्त्री बोटर बोसं बालकेन्डेयात छुं ई ज्या न्ह्याकेगु कथं सरकारया नेतृत्व यायेत इनाप याःगु दु ।
उत्तर एटलान्टिक सन्धि संगठन नेटों सन् २०१० लिपा नं डच सैनिक अफगानिस्तानय् तयेत याःगु इनापयात प्रधानमन्त्री बालकेन्डें समर्थन यानाः वयाच्वंगु खःसा गठबन्धनया मेगु मू घटक लेबर पार्टीं उकिइ असहमति क्यंगु खः ।
अफगानिस्तानया उर्जगान प्रान्तय् सन् २००६ निसें निद्वंया ल्याखय् डच सैनिक छ्यला त:गु दु गुकिइ मध्ये नीछम्ह सीधुंकूगु दु । वंगु अक्टोवरय् अनया संसदय् जूगु मतदानय् अफगानिस्तानपाखें सैनिक लितः सःते माःगु प्रस्ताव पारित जुगू ख: ।
More Stories Like this
चिकंया भाः कुहां वनाः ऋणात्मक बेलायतं चीनपाखें न्याःगु टेस्टिङ किटं ज्या मबिल बेलायतया प्रम बोरिस जोन्सन आइसीयूलय् अमेरिकाय् २ लाख ४० हजारतक सिइफुगु व्हाइट हाउसया अनुमान सामाजिक दूरी अवज्ञा याःपिन्त सिंगापुरय् खुलातक जेल
