दलाइ लामा व राष्ट्रपति ओबामा नापलायेवं चीनं तं प्वंकल

तिब्बतपाखें निर्वासित धार्मिक नेता दलाइ लामायात अमेरिकी राष्ट्रपति बाराक ओबामां नापला:गु ज्या प्रति चीनं तं प्वंकूगु दु । उगु ज्यां चीन व अमेरिका दथुइया स्वापूतिइ बांमलाक्क घाःलाकूगु प्रतिक्रिया चीनं ब्यूगु दु ।

चिनियाँ उपविदेशमन्त्री कुतियानकाइं अमेरिकी राजदूत जोन हन्ट्स म्यानयात सःताः उगु च्यूताः प्वंकूगु खः । चीनया असन्तुष्टिया दथुइ वंगु बहनि दलाइ लामा व ओबामा दथुइ अमेरिकाय् नापलायेधुंकाः थज्याःगु प्रतिक्रिया वःगु खः ।

अथे हे अमेरिकां धाःसा चीनया मन तयेत पाय्छि कथं पलाः न्ह्याकीगु जानकारी ब्यूगु दु । दलाइ लामालिसेया नापलायेगु ज्या राजनीतिक स्वयां नं व्यक्तिगत जक जूगु धका: ह्वाइटहाउसं स्पष्टीकरण ब्यूगु दु ।

More Stories Like this