लोडशेडिंग विरोध याःपिंत गोली
ख्वपय् तनाव, बहनी प्रहरीलिसे ल्वापु
सरकारं लागू याःगु १६ घण्टे लोडशेडिंगया विरोधय् देय्न्यंकं हे थीथी कथंया ज्याझ्वःत जुयाच्वंगु दुसा म्हिगः मत सिनाच्वंगु इलय् लोडशेडिङया विरोध यानाच्वंपिं ख्वपया जनतायात प्रहरीं हस्तक्षेप याःबलय् गोली समेत चले यायेमाःगु अवस्था पिहां वया बिल । ख्वपया दूधपाटी लागाय् म्हिगः बहनी प्रहरी व स्थानीय जनताया दथुइ ल्वापु जूबलय् गोली व टियर ग्याँस कयेकेमाःगु अवस्था वःगु खः । विरोधय् स्थानीय जनतां प्रहरीया छगू बुथ नं च्याका बिउगुखः । उगु हे थासय् म्हिगः नेमकिपा समर्थित नेपाल क्रान्तिकारी विद्यार्थी संगठनं जुलुस व सभा याःगु खः । तर प्रहरीलिसे भिडन्त धाःसा उगु संगठनं मयाःगु खँ नेमकिपाया सभासद सुनिल प्रजापितं बियादिल ।
मेखे लोडशेडिंगया विरोध यासें वंगु निन्हु न्ह्यवंनिसें येँया विद्युत प्राधिकरणय् धर्ना बीगु ज्या जुयाच्वंगु दु । थुकिं यानाः उगु लागाया यातायात प्रभावित जुयाच्वंगु दु । गुलिखे थासय् प्राधिकरणया ज्याकू घेरे यायेगु तालं ग्वया बीगु व तोडफोड यायेगु ज्या समेत जूगु कारणं प्राधिकरणया कर्मचारीत ज्याकू वनेत हे ग्यानाच्वंगु दु । सर्वसाधारणं यानाच्वंगु थज्याःगु ज्यायात ध्यानय् तयाः हे प्राधिकरणं थौंकन्हय् देशय् विद्युत बी फइगु अवस्था हे मदुगु कारणं थज्याःगु धर्ना व विरोधया ज्याझ्वः मयायेत सार्वजनिक आह्वान याःगु दु । लिसें थःपिंसं मत पिकायेगु लागिं माक्व कुतः यानाच्वनागु खँ नं धाःगु दु ।
करणया कर्मचारीत ज्याकू वनेत हे ग्यानाच्वंगु दु । सर्वसाधारणं यानाच्वंगु थज्याःगु ज्यायात ध्यानय् तयाः हे प्राधिकरणं थौंकन्हय् देशय् विद्युत बी फइगु अवस्था हे मदुगु कारणं थज्याःगु धर्ना व विरोधया ज्याझ्वः मयायेत सार्वजनिक आह्वान याःगु दु । लिसें थःपिसं मत पिकायेगु लागिं माक्व कुतः यानाच्वनागु खँ नं धाःगु दु ।
फागुनंनिसें १० घण्टा
थौंकन्हय् जुयाच्वंगु १६ घण्टे लोडशेडिंग फागुनं घटे जुइगु खँ प्राधिकरणं धाःगु दु । फागुनंनिसें लोडशेडिगया ई १० घण्टा जक जुइगु खँ नं प्राधिकरणं सार्वजनिक याःगु दु । अबलय् तकया दुने कोशी खुसिबालं क्वःदःगु टावरत थनाः मत पिकायेगु ज्या जुइगु खँ धाःगु दु । लिसें भारतं न्यायेगु धकाः प्रस्ताव वनाच्वंगु मत नं अबलय् न्यायेधुंकीगु खँ धाःगु दु । अथे खःसां सूत्रं धाःसा माघं लोडशेडिंग अझ थपे जुइगु संकेत बिउगु दु ।
