उत्तर प्रदेशय् बस खुसिइ कुतुंवनाः नीनिम्ह मनूत सित

भारत उत्तर प्रदेशया जालौन जिल्लाय् जन्ती वनाच्वंगु बस खुसिइ कुतुंवनाः म्होति नं नीनिम्ह मनूत सीगु दु । स्थानीय प्रहरीयाकथं न्ययेन्यादँया इहिपा यायेत वंम्ह मिजंया अबुलिसे झिम्ह मस्त सीगु जानकारी ब्यूगु दुसा सीपिनिगु शव वयेधुंकूगु जानकारी नं ब्यूगु दु । बसय् दुपिं पीम्ह मनूत लालकयाः पिने वयेधुंकूगु दुसां अझं आपालं तनाच्वंगु खँ भारतीय संचार माध्यमतय्सं जानकारी ब्यूगु दु । खुसिइ लः तच्वयेक बाहा वनाच्वंगुलिं तंपिं मनूत लुइगु म्हो जक सम्भावना दुगु प्रहरीं जानकारी ब्यूगु दु ।

More Stories Like this