ह्यापी भ्यालेन्टाइन्स डे !
थौं फेब्रुअरी १४ अर्थात मतिना दिवस - भ्यालेन्टाइन्स डे । हलिमयन्यंक फेब्रुअरी १४यात मतिना दिवसया कथं हनेगु चलन दु । थौ हनिमय् न्ह्याथ्याय् च्वनीम्ह जुसां सकस्या म्हुतिइ छगू हे धापू दु - 'ह्यापी भ्यालेन्टाइन्स डे!'
थुगु न्हि सेन्ट भ्यालेन्टाइनया लुमन्तिइ हरेक दँया फेब्रुअरी १४ कुन्हु भ्यालेन्टाइन डे न्यायेकीगु चलन दु । स्वंगूगु शताब्दी पाखे सेन्ट भ्यालेन्टाइन इशाई धर्मालम्बी जूगुलिं तत्कालीन रोमन जुजु क्लडियसं वयात धर्म परिर्वतन यायेत तःक्वः इनाप याःसां असफल जुइवं सेन्ट भ्यालेन्टाइनयात जेलय् कुनाः लिपाः स्याःगु खः ।
सेन्ट भ्यालेन्टाइनयात जेलय् कुनातःगु इलय् वयाः मतिना जेलरया कांम्ह म्हाय् नाप जूगु व लिपा वया हे मतिनां यानाः जेलरया म्हाय्या मिखा ठिक जूगु विश्वास दु । सेन्ट भ्यालेन्टाइनयात स्यायेत छन्हू न्ह्यः वं थः मतिनामियात छपू पौ छ्वःगु व उकीया अन्तय् 'छंगू भ्यालेन्टान' धकाः च्वयातःगु खः ।
लिपाः थ्वहे सेन्ट भ्यालेन्टाइनया लुमन्तिइ पोप गिल्यासियक प्रथमं इश्वी संवत ४९६ निसें मतिना दिवस अर्थात भ्यालेन्टाइन्स डे धकाः न्याकेत शुरु याःगु खः । थुगु न्हि स्वां, पौ आदि बियाः भ्यालेन्टाइन्स डे न्याके शुरु जूगु खः ।
न्यागू शताब्दी निसें शुरु जूगु मतिना इनेगु न्हि थौं वयाः हलिमयन्यंकया सकस्या मंकाः नखः थें जुयावःगु दु । विषेश यानाः थः मतिनामि पिनि निंतिं देछायेगु थुगु न्हि बुलुहं थः आतमिय पासापिं व थःथीतियात नाप नं हनेगु यानाहःगु दु ।
More Stories Like this
मेरिल्याण्डय् लाखय् व पुलुकिसिलिसे हन येँयाः स्यस्यः समाजं सत्यमोहन जोशीयात हन मूलयात ग्वाहालि लःल्हात मेहेन्दी च्वयेगु कासा जुइगु मचातयत मां भाय् स्यनेगु संस्था नीस्वन
