भ्यालेन्टाइन उपहार

- हाइ! छ गन?
- जि ठमेल । छ गन ले ?
- रियल्ली? जि नं ठमेलय् हे दु । ठमेलय् गन ?
- जस्ट अपोजिट अफ काठमाण्डौं गेस्ट हाउस ।
- ओ माइ गड! जि नं काठमाण्डौं गेस्ट हाउसया अपोजिटय् हे दु । गन दु छ ?
- जस्ट योर बिहाइण्ड !
- हाइँ ? हा हा! हाउ स्वीट यु आर !
- सो आइ एम हियर ।
च्वाक्क ।

वंगु दँय् भ्यालेन्टाइन डे कुन्हु छम्ह प्रेमिं थः मतिनामियात थय् यानाः सरप्राइज बिल । व सरप्राइज जक मखु मतिना
अभिव्यक्त यायेगु मौलिक 'स्टायल' नं खः । मोबाइलं थज्याःगु स्टायलयात सम्भव यानाब्यूगु दु ।

मतिना अभिव्यक्त यायेत भ्यालेन्टाइन डे पियाच्वनेम्वाः । तर सरप्राइजया प्याकेज सहित मतिना ब्वयेगु खःसा भ्यालेन्टाइन डे ति बांलाःगु अवसर मेगु दइमखु । ख ला मतिना स्वयम छगु सरप्राइजपूर्ण घटना खः । व जूगु हे सी मखु । जब सी जूपिं निम्हं सरप्राइज जुइ । उकिं भ्यालेन्टाइन डे कुन्हु सकस्यां छगू सरप्राइजया आशा यानाच्वनी । गुलिस्यां डिनर सःताः सरप्राइज बी गुलिस्यां उपहार बियाः सरप्राइज बी । उपहार थ्वहे जुइमाः धइगु मदु । छुं मदुसा स्वयम् थः हे उपहार बियाः नं ज्या चले यायेज्यू । च्वय् न्ह्यथनापिं मतिनामितय्सं नं स्वयम् थःत हे उपहारया रुपय् कालबिल यानाः भ्यालेन्टाइन डे न्यायेकूगु खः । उपहारया पलेसा थःत हे कालबिल यायेगु भ्यालेन्टाइनया न्हूगु चलन खः । मस्यु छिं गय् यानाः भ्यालेन्टाइन डे हनादी थें !

More Stories Like this