हानं फोहोरया फोहोर

येँ महानगरपालिकाया सडक बजारय् असं थेंज्याःगु थासय् हे हानं फोहोर मुनाः वने हे मजियाच्वंगु दु । लँजुवाः व गाडी चले याईपं वहे फोहोरया द्यःने पाखें वये वने यानाच्वंगु दु । उगु लँ जुइमाःपिं मनूतय् न्हाय्प्वाः तिनाः वने मालाच्वंगु दु । थथे छाय् फोहोर जुल धकाः धाः वंसां ल्याण्डफिल साइटय् हानं फोहोर कुर्के मबिउगुलिं ल्ह्वने मफुत धाइ । तर ल्याण्डफिल साइट धाःथाय् छाय् थथे घरिघरि बन्द जुयाच्वनीगु खः झीसं धाःसा छुं हे सिउगु मखु । चिकुलाया ई । देशय् टुरिष्टत चाःहिउ वइगु सिजन धाःसां जिउ । लँय् लँय् थज्याःगु फोहोरया पहाड खनीबलय् उमिसं छु धाइगु खः ? थ्व ला फुकस्यां बिचाः यानाः छगू निकास पिमकासें मगाःगु जुयाच्वंगु दु ।

- तुल्सी महर्जन बागबजाः, येँ ।

More Stories Like this