ग्व माक्व भाः क्वकाःगु
सम्पादकजु,
विश्वन्यंकं पेट्रोलियम पदार्थया भाः कुहां वयाः कीर्तिमान हे कायम जुइगु लाइनय् दु । थुकिं यानाः भारत लगायत फुक्क हे देशय् पेट्रोलया भाः क्वकायेगु शुरु जुयाच्वंगु दु । तर नेपालय् धाःसा सरकारं छुं भचा भाः क्वकाःसां आः तक गाक्क भाः क्वकाःगु धाःसा खने मदु । नेपालय् न्हापा लिटरं ५५ तका ति थ्यंबलय् विश्व बजारय् गुगु भाः कायम जुयाच्वंगु खः व स्वयां नं आः भाः कुहां वयेधुंकल । तर नेपालय् धाःसा लिटरं ८० तका तिनि । भाः थहां वंसा तुरुन्त हे उपभोक्ताया छ्यनय् दिके हथाय् चाइम्ह आयल निगमं छाय् थें आः चाहिं उपभोक्ताया भार क्वकायेगु पाखे बिचाः मयाःगु थें ? उपभोक्तायात धाथें बिचाः यायेगु खःसा अझ नं भाः क्वकयाः राहत बीमाःगु खः । ग्याँसया भाः भचा क्वकया बिल । तर भाः क्वकाः थें बजारय् ग्याँस धाःसा न्यायेगु दुगु मखु । भाः क्वकाल कि अभाव याना बीपिं व्यापारीत झीत मारामार दु । सरकारं भाः क्वकाःसां नं छुं अर्थ मदुगु सरकारया वाःचाः ला थें ?
- विनोद महर्जन, ख्वप १७ ।
More Stories Like this
केन्द्रया अनुमति कयाः आर्थिक ज्या जुइ मखु प्वंकेमखंगु श्रद्धांजिल सुवर्ण शाक्य कि सुवर्णकेशरी ? लाःलाःथें भाःथकाये मजिल बांलाःगु सुझावयात सुभाय्
