झण्डै इस्वी संवत्
नेपाल सरकारं नेपाल संवत्यात राष्ट्रिय मान्यता बीधुंकाः इस्वी संवत्यात प्रयोग यायेगु मान्यता बीगु धकाः खँ पिहां वःगु खः । तर खँ पिहां वयेसातिक सकलें नेपाली जनतां थ्व ज्याया विरोध याःगुलिं प्रयोग यायेगु मान्यता बी मछाल । मखुसा सा इस्वी संवत्या न्हूदँ २००९ या लसताय् हे नेपाल सरकारं थ्व खँयागु नं घोषणा यानाः नेपाली जनताया ख्वालय् ल्वाप्पा नकेगु कुतः यायेत्यंगु खः । धन्य अज्याःगु ज्या जुइ मलात । सरकारं छु बिचाः यानाः अज्याःगु अनैतिक निर्णय यायेत्यंगु खः झीसं मसिउ । तर मयाःगुलिं न्ह्यागुसां बांलाःगु ज्या चाहिं जूगु दु धायेमाः । वास्तवय् नेपालय् प्रयोग यायेत माःगु संवत् हे मदुगु ला ख हे मखु । नेपालय् सरकारी मान्यता बियाः प्रयोग यायेमाः धकाः नेपाल संवत्या प्रस्ताव न्ह्यःने हयातःगु खः । नेपाल संवत्या आन्दोलनकारीतय्सं थ्व माग यानाः सरकारयात न्ह्याबलें घचघचे हे यानाच्वंगु दु । तर सरकारं अज्याःगु खँयात मन्यँसे इस्वी संवत्पाखे ध्यान बिउगु तसकं गलत खः । आः नेपाल संवत्यात व्यवहारिक रुपं प्रयोग यायेत छगू न्हूगु क्यालेण्डर नं बजारय् वःगु दु । सरकारं थ्व क्यालेण्डर स्वये हे धुंकल जुइमाः । बरु थ्वहे प्रयोग यानाः लागू याःसा सकस्यां लसकुस याइगु खइ । थज्याःगु ज्याय् झी न्हूदँ समारोह समितिं विशेष रुपं कुतः याना बी माःगु खः थें च्वं ।
- हर्ष वज्राचार्य,
ताहाचः येँ ।
More Stories Like this
केन्द्रया अनुमति कयाः आर्थिक ज्या जुइ मखु प्वंकेमखंगु श्रद्धांजिल सुवर्ण शाक्य कि सुवर्णकेशरी ? लाःलाःथें भाःथकाये मजिल बांलाःगु सुझावयात सुभाय्
