आयोगं थ्व स्वयां पाःगु नक्सा बी ला ?
संविधानसभाया राज्य पुनर्संरचना समितिं संघीय नेपाःया नक्सा प्रस्तावित यायेवं उकियात कयाः थीथी कथंया टिका टिप्पणीत जूगु दु। समितिं दयेकूगु थ्व नक्सा हचुवा जूगु कारणं आः राज्य पुनर्संरचना आयोग गठन यानाः वहे मार्फत थ्व ज्या यायेमाः धइगु सः नं थ्वःगु दु। खतुं थ्व ज्या राज्य पुनर्संरचना आयोग दयेकाः हे जक यायेगु खँ न्हापा जूगु खः। तर न्ह्याबलें नं सत्ता व सरकार बाहेक मेगु छुं हे मखंपिं राजनीतिक दलतय्सं थ्व ज्यायात वास्ता मयाः। आः संविधानसभां थुकिया नक्सा तयार यायेसातकि धाःसा थ्व मजिल, थ्व ला आयोगं यायेमाः धकाः आयोग दयेकेगुपाखे ब्वाँय् जूगु दु। देशय् थज्याःपिं नेतात दकलय् संघीय नेपाः सफल जुइगु सम्भावना मदु ।
आयोग गठन यायेमाः धकाः थ्व इलय् माग यानाच्वंपिं पार्टी व व्यक्तितय्सं थुइकेमाःगु खँ छु खः धाःसां यदि आः आयोग गठन यानाः राज्य पुनर्संरचनाया मेगु नक्सा तयार यात हे धाःसां व नक्सा थ्व स्वयां फरक जुइगु सम्भावना धाःसा तसकं म्हो जक दु। छाय्धाःसां आः आयोग गठन यात धाःसां उकी च्वनीपिं मनूत विज्ञ सिबें नं पार्टीतय् 'कार्यकर्ता' जक जुइ। फुक्क पार्टीं थः मनू तयेमाः धकाः दावी याइ व भागबन्डाया हे आधारय् आयोग गठन जुइ। जब पार्टीया सिफारिसय् उकी मनू नियुक्त यायेगु ज्या जुइ, उमिसं अन्ततः अन बिचाः तइबलय् पार्टी लाइन सिबें पिहां वनाः छुं खँ धाइ धकाः गय् यानाः पत्याः यायेगु? खँ मिले मजुयाः आखिर अन नं मतदान हे जुइ। अले मतदानपाखें तयार याइगु नक्सा नं थ्व स्वयां फरक मजुइगु निश्चित हे दु ।
More Stories Like this
छाय् जुइ थपाय्जिगु अपराध? जनतायात सास्ती जुइगु विरोध मजिल उपप्रमपाखें भारतय् याःवंगु ब्रिफिंग अपराध व राजनीति आः नापनापं हे माओवादी सहमतिया थीथी पक्ष
