मिस अमेरिकाया ताज करेस्सायात

शनिवाः बहनी जूगु मिस अमेरिका ब्यूटी प्याजेन्टं नीनिदँया मिस भर्जिनिया मय्जु करेस्सा क्यामरोन मिस अमेरिका २०१० ल्यःगु दु । लस भेगसय् जूगु उगु कन्टेष्टय् ५२ म्ह मेपिं प्रतियोगीतय्त लिफ्यानाः क्यामरोनं उगु उपाधि ल्हाःतिइ लाकूगु खः । मिस अमेरिका घोषणा लिसे क्यामरोनं पचास हजार अमेरिकी डलरया छात्रवृति नं त्याकूगु दु ।

उगु कन्टष्टं मिस क्यालीफोर्निया कृष्टी क्याभिन्डरं फस्ट रनर अप उपाधिलिसें पच्चीस हजार अमेरिकी डलर त्याकूगु दुसा मिस अक्लोहोमा मय्जु टेलर ट्रिटं ६ हजार डलर सहितया क्वालिटी अफ लाइफ अवार्ड त्याकूगु दु । थुगु अवार्ड स्वयमसेवा व सामाजिक सेवाय् दक्कले न्ह्यःने लाःम्ह मय्जुयात बिइगु खः ।

मिस अमेरिका अर्गनाइजेशनं थुगु कन्टेष्टय् राष्ट्रिय स्तरया तीन लाख चालिस हजारया छात्रवृति लःल्हाःगु दु । थुगु दँ दुने थीथी स्टेटय् व स्थानिय च्याप्टरय् जूगु ब्यूटि कन्टेष्टय् यानाः थुगु अर्गनाइजेशनं चार करोड पचास लाख अमेरिकी डलरया नगद व छात्रवृति सिरपा लःल्हानागु धाःगु दु ।

More Stories Like this