न्ह्यात - स्वस्थानी बाखं

लच्छियंकं हनीगु स्वस्थानी व्रत व स्वस्थानी बाखं कनेगु थौं संचवाःनिसें न्ह्याःगु दु । मिलापुन्हिनिसें सिपुन्हितक लच्छियंक छेँय्छेँय् स्वस्थानी बाखं कनेगु व फुपिन्सं न्हिंन्हिं निसी यानाः छछाः नयाः मनं तुनागु पूवनेमा धकाः स्वस्थानीया अपसं च्वनेगु परम्परा दु ।

आःतक लूगु अभिलेख कथं राष्ट्रिय अभिलेखालय् दुगु ने.सं. ६९३ या बाखं हे दक्कले पुलांगु स्वस्थानी बाखं खः । संस्कृतभाषाया स्वस्थानीपाखें नेपालभाषाय् स्वतन्त्ररुपं च्वयातःगु थुगु सफूपाखें हे मेमेगु स्वस्थानी बाखं विकसित जूगु कथं कायेग याः । माघ लच्छि कनीगु स्वस्थानी बाखंयात गां गामय् गोमय्जुया बाखं धकाः नं धायेगु यानाच्वंग दु ।

माघ लच्छि कनीगु थुगु स्वस्थानी बाखं लिसें लच्छियंकं सुथ न्हापां दनाः माधवनारायण धकाः खुसिइ माघ म्वः ल्हू वनीगु लच्छितक पशुपति महाद्यःयाथाय् द्यइके वनीगु किरातेश्वमहाद्यःया दर्शन यायेगु चलन थौंतक ल्यनाच्वंगु दनि । थुगु लच्छि सक्वय् विशेष मेला जुइगु संस्कृति दु ।

More Stories Like this