नेवाः एफएमय् न्हूगु ज्याझ्वः

नेवाः एफएम १०६.६ मेगाहर्ज रेडियोय् जनवरी ३१ तारिख कन्हसंनिसें छगू न्हूगु ज्याझ्वः 'लबु' न्ह्याइगु जूगु दु । संचार नेपाल प्रा.लि.पाखें न्ह्याकेत्यंगु थुगु ज्याझ्वः सुथय् ८ बजेनिसें ९ बजेतक न्हियान्हिथं न्ह्याइगु खँ प्रालिया नायः व ज्याझ्वःया संयोजक जुजुमान महर्जनं जानकारी बियादीगु दु ।

न्ह्यायेत्यंगु न्हूगु ज्याझ्वः सूचनामूलक व मनोरंजनात्मक जुइगु धाःगु दु । थुगु ज्याझ्वः नेपालमण्डल डट कमपाखें न्ह्याग्गु इलय् नं न्यने जिइक तयेगु व्यवस्था जुइत्यंगु दु ।

लुमंकेबहः जू, संचार नेपाल प्रा.लि.पाखें न्हापा इसीआर (पर्यावरण चक्र) एफएमय् लबु नांया ज्याझ्वः न्हियान्हिथं न्ह्याकूगु खः ।

More Stories Like this