बाहिरी चक्रपथयात पनेमाल
येँ देया विकास यायेगु धकाः प्रस्तावित यानातःगु बाहिरी चक्रपथ हानं दयेकीन धकाः चर्चा यानाच्वंगु खँ सी दयाच्वन । थ्व चक्रपथ दयेकल कि ला स्वनिगलय् पिनेयापिं मनूत तसकं अप्वयाः थनया कला संस्कृति, रहनसहन हे ध्वत जुइ धकाः झी नेवाः न्ह्यलुवाःपिंसं धायेगु यानाच्वंगु दु । तर झी नेवाः न्ह्यलुवाःपिंसं बाहिरी चक्रपथ दयेके मजिउ धकाः पिने भाषण जक याःसां उगु चक्रपथ दयेकेगु ज्यायात पनेगु लागिं धाःसा छुं हे पलाः ल्ह्वनाः अघि सरे जूगु मखु । थौंकन्हय् उगु चक्रपथं थीगु धकाः चर्चा यानातःगु गामय् जग्गा मीगु हे थ्व ला चक्रपथ एरिया खः धकाः प्रचार यानाच्वंगु दु । उकुन्हु जिमि ककाया जग्गा न्याः वंबलय् नं मीम्हेस्यां 'थ्व ला चक्रपथं थीत्यंगु जग्गा खः साउजी' धकाः पाखा जग्गाया तकं तसकं थिकय्क भाः तल । पिने धाःसा जग्गाया भाः तकं चक्रपथया नामं थहां वनाच्वंगु दु तर झी धाःसा खालि पिने च्वनाः विरोध जक यानाः हालाच्वना । थ्व ज्यायात पनेगु लागिं नेवाः खलः पुचःत जानाः छु आन्दोलन यायेमाःगु खः मयासें मगाःगु अवस्था वयेधुंकल थें च्वं ।
- रुद्र कर्माचार्य,
ज्याथा, येँ ।
More Stories Like this
केन्द्रया अनुमति कयाः आर्थिक ज्या जुइ मखु प्वंकेमखंगु श्रद्धांजिल सुवर्ण शाक्य कि सुवर्णकेशरी ? लाःलाःथें भाःथकाये मजिल बांलाःगु सुझावयात सुभाय्
