नेपाःयात माःगु क्रान्ति

- उत्तमराज शिलाकार

थौं नेपाःयात न्हूगु संविधान नापं आर्थिक, सामाजिक व सांस्कृतिक क्रान्तिया जरुरत दु । उकिं थुगु लँय् सरकारया नीति कार्यक्रम वये मालाच्वंगु दु । नकतिनि प्यला दुम्ह सरकारयात असफल जुल धका मूल्यांकन यायेगु धाःसा हथाय्गु ज्या जुइफु । सरकारया मिभंगु पक्षयात कुलाः भिंगु लँपुइ यंकेगु लँपु क्यना बीगु नं विपक्षया दायित्व खः । सरकारयात कुं जक खिनाः छुं ज्या हे याके मबीगु विपक्षीया ज्या जुइ मजिउ । धाथें धायेगु खःसा आःयागु माओवादी सरकारं छुं ठोस ज्या याये फुगु मदुनि । छखे सरकारं आर्थिक स्थिति बांलाके मफुनिसा मेखे राजनीतिक कलह झंझं स्वत्तुमतु स्वया वनाच्वंगु दु । खास यानाः सेना समायोजन स्वायत्त राज्य व तराई समस्याया खँय् तःधंगु विवाद कायम जुयाच्वंगु दु ।

क्रान्ति आशा यानातःगु दिशाय् न्ह्यानाच्वनीगु सामाजिक परिवर्तनया चाहना खः । गुकियात समय सापेक्ष बहुआयामिक याये फत धाःसा थुकिं हे न्हून्हूगु व चमत्कारिक श्रृजनात जुया वइ । नेपालय् नं न्हूगु सिर्जनायात निरन्तरता बियावनेगु खःसा माओवादीय राजनीतिक क्रान्ति नं सफल मजुइ मखु । थुगु हाथ्या पार यायेत नं माओवादीं राजनीतिक क्रान्तियात संयम जुयाः न्ह्याके माःगु दु । नेपाःया आर्थिक सामाजिक व राजनीतिक क्षेत्रया विकासय् राजनीतिक उद्देश्य प्राप्ति नापं नेपाःया उज्वल भविष्य नं थुकी दुने हे सुलाच्वंगु दु । नेपाःयात न्हूगु दिशाय् न्ह्याकेत न्हूगु बिचाःया आवश्यकता दु । उकिं आः सरकारं पगः खनाः ग्यानाः लिचिलेगु मखु वरु ईयात स्वयाः अझ ितंन्हुयाः क्रान्तिकारी लँपु ज्वनेमाःगु दु ।

थौं नेपाःमितय्त सामाजिक न्याय प्रशासनिक सरलता व आर्थिक सबलता माःगु दु । न्हियान्हिथंयात माःगु नयेगु पुनेगु च्वनेगु वस्तुया आवश्यकता दु । आर्थिक रुपं कमजोर जुयाच्वंपिंत गरिबीया धलखं थकायेत सरकारपाखें बांलाःगु नीति हयेमाःगु दु । बेरोजगारी समस्या म्हो उत्पादन परम्परागत कृषि शैली सामाजिक विभेद लैंगिक विभेद जातीय शेाषण कुसंस्कारअन्धविश्वास नैतिकशिक्षाया म्हति आदि कारणं यानाः विकास यायेत थाकुयाच्वंगु दु । मेगु खँ प्रशासन तन्त्र तसकं स्यनाच्वंगु दु । जनताया चीधंगु ज्या तकं इलय् जुयाच्वंगु मदु । न्हापाया प्रशासनिक क्षेत्रय् दुगु कमिसनखोर घूस नातावाद कृपावाद आदि थेंज्याःगु विकृतिं सरकारयात न्ह्यःने न्ह्याकेत ग्वाहालि यानाच्वंगु मदु । उकिं नं जनता हारे चायाच्वंगु खः । थज्याःगु हे खँय् सर्वसाधारण जनतां सरकारया मूल्यांकन यानाच्वंगु दइ । सरकारया पुलांगु हे नीति व परम्परा कथं देय् न्ह्याकेगु खःसा नेपाःयात न्हू दयेकेगु म्हगस गबलें पूवनी मखु ।

राजनीतिक चेतनाया खँ ल्हायेबलय् बहुदलीय प्रजातान्त्रिक ब्यवस्थाय् यक्व दल दइगु कारणं राजनीतिक बिचाः नं बिस्कं बिस्कं दइगु जुल । उकिं छगू हे विचारधारा ज्वनाः सकलें न्ह्यायेत थाकुइ । सकसिगुं बिचाःयात कःघासें उकियात संश्लेषण यानाः दथुया बिचाः ज्वनाः न्ह्याः वनेगु पाय्छि जुइ । सरकार न्हूगु कार्यदिशा निर्धारण यायेगु क्षमताय् जक टिके जुइ फइ । गुलि नं न्हून्हूगु परिवर्तन व न्हूगु सिर्जनाया निर्णय जुइ शुरुइ सरकारया आलोचना नं उलि हे अप्वः जुयावनी । उकिं सरकारं मानवीय हितयात ध्यानय् तयाः सामाजिक राजनीतिक व प्रशासनिक क्षेत्रय् । विकास यायेमाः । चिचीधंगु खँय् राजनीतिक ल्वापु यायेगु बखेडा पिकायेगु व असहयोग यायेगु ज्यां सरकार जक मखु देय् हे न्ह्यःने न्ह्याये फइ मख

More Stories Like this