'नेपालमण्डल'यात मंकाः खलः यलया भिंतुना

नेपालमण्डल डट कम निदँ क्यंगु लसताय् नेपालभाषा मंकाः खलः यलपाखें छगू भिंतुना पौ मार्फत भिंतुना देछानादीगु दु । खलःया नायः सुरेश प्रधानं व्छयादीगु भिंतुना पतिइ 'सुचं व समाचार कालबिल यायेगु थीथी माध्यमया हलिमय् ईलेक्ट्रोनिक माध्यमं सुचना संचार प्रविधिया क्षेत्रय् नेपालमण्डल डट कमया उपस्थिति जूगु दच्छि फुना निदँ क्यनीगु खँ न्यनेदया लसता प्वंकाच्वना ' धयातःगु दु ।

भिंतुना पतिइ न्ह्यथनातःगु दु - 'थुगु पोर्तलया माध्यमं नियमित सुचं व समाचार या प्रसारण जुयाच्वंगु च्वछाये बहः जूगु नापं थ्व हे पोर्तलय् नेपालभाषाया थीथी पत्रिका व साहित्यीक पौ त नं स्वये व ब्वने खनीगु जूगुलिं स्वकुमि व ब्वनामिपिन्त आकर्षित याये फइगु खनाच्वना ।'

नेपालमण्डल डट मयात थाकु मचासे निरन्तररुपं न्ह्याकेगु कुतःयात नेपालभाषा मंकाः खलः यलया पाखें च्वछायाच्वना धासे‌ थुगु कुतःयात सार्थकता बीगु निंतिं समर्पितपिं सकल भाजु मय्जुपिन्त वय्कललं भिंतुना द्यछानादीगु दु ।

अथे हे नेपालमण्डल डट कमया पलाः न्ह्याबलें धिसि लायेमा व सुथां लायेमा धकाः भिंतुसें वय्कः व वय्कःसा खलःपाखें पोर्तलया प्रगतिया कामना यानादीगु दु ।

More Stories Like this