कांग्रेस सरकारया लिच्वः
नेपाली कांग्रेसं आः सरकारयात ज्या हे याके मखु धकाः भिष्म प्रतिज्ञा याःगु थें च्वं । छाय्धाःसां संसद न्ह्याके त्यन कि बहिष्कार यानाः छुं हे ज्या याके बीगु मखु । न सरकारं यानाच्वंगु ज्यायात छुं ग्वाहालि यात न सदनय् हे छुं पलाः न्ह्याके बीगु कुतः यात । थ्व ला सरकार जक मखु राष्ट्रयात हे खत्तम यायेत्यंगु थें च्वं । थ्व देशय् दकलय् अप्वः सरकार चले याःम्ह सुं दुसा व कांग्रेस हे जक खः । तर कांग्रेसं सरकार यानाः देशयात छु यात धइगु प्रमाण ला झीसं खना हे च्वनागु दु । थौं नेपालय् १२ घण्टा लोडशेडिङ, महंगी, लुटपाट, हिंसा धइगु गुलि नं जुयाच्वंगु खः व फुक्क कांग्रेस सरकारं पिना थकूगु पुसा खः । उकियात विषालु फल जक आः हुर्के जुयाः पिहां वयाच्वंगु खः । माओवादीया दुर्भाग्य धायेमाली कि उपिं थज्याःगु विषालु फल सप्रे जुइगु इलय् वयाः सरकारया कुर्सीइ फ्यतू वयाच्वन । लोडशेडिङ धइगु माओवादी प्यला सरकारय् च्वनेसातकि वःगु मखु । थ्व ला कांग्रेसं १२ वर्ष शासन याःगुया परिणाम खः । कांग्रेसं न थःपिंसं बांलाःगु ज्या यात न कर्पिन्त बांलाःगु ज्या याके बिल ।
- कृष्णहरि डंगोल,
लगंबहाः, येँ ।
More Stories Like this
केन्द्रया अनुमति कयाः आर्थिक ज्या जुइ मखु प्वंकेमखंगु श्रद्धांजिल सुवर्ण शाक्य कि सुवर्णकेशरी ? लाःलाःथें भाःथकाये मजिल बांलाःगु सुझावयात सुभाय्
