तःननि खलःया हुलाप्याखं कासा
ज्यापु दिवसया लसताय् लाकाः धर्मचक्र तःननि ल्याय्म्ह पुचःपाखें थन छगू मचा हुलाप्याखं कासा जुल। पुचःपाखें दँय्दसं थज्याःगु कासा याना वयाच्वंगु दुसा थुगुसी ज्यापु दिवस नापं त्वाःया बाजंगुरुपिंत हने कथं उगु ज्याझ्वः याःगु खः ।
ज्याझ्वःया उलेज्या स्थानीय विकास मन्त्री पूर्ण कुमार शेर्मां यानादीगु खःसा पाहां कथं सभासद् नापं न्हूदँ समारोह समिति-११३० या नायः तीर्थराम डंगोल नं झाःगु खः।
ज्याझ्वः नाति महर्जनया सभापतित्वय् जूगु खःसा सबिन महर्जनं लसकुस यानादीगु खः। अथे हे गुरु सानुबाबु महर्जन, धर्मचक्र तःननि खलःया नायः जवाहरभाई प्रजापति, ज्यापु संस्कृति विकास कोषया नायः चक्रमान डंगोलपिंसं नं नुगःखँ प्वंकादीगु खः। ज्याझ्वः वृहत् सिं व सुशिला लक्ष्मी महर्जनं न्ह्याकादीगु खः ।
११ गू खलकं ब्वति काःगु उगु ज्याझ्वलय् 'घाः जुयाः जक ख्वइगु मखु..' म्येय् प्याखं हुलाः चःमति नेवाः खलः न्हाप लाःगु खःसा ट्रिपल जेम्स स्कुल लिउ, पलेस्वां पुचः लियांलिउ व हिउमत खोल्चापाखा नृत्य केन्द्रयात हःपाः सिरपाः लाःगु खः। उत्कृष्ट प्याखं स्यनामि सिरपाः रोहिया महर्जनं त्याकल ।
More Stories Like this
जातीय संघीयताया खँय् नेमकिपा प्राडो, पाजेरो ब्वाकेगु ख्यः मखु राष्ट्रपति प्रणाली बारे विवाद नेवाःतय्त जागृत याइगु 'नेपाःमिया नुगः सः' खँ स्वनिगःया
