समाज भिंकेगु ज्याय् सु न्हाप

येँया नेवाः समुदाय दुने थःत अति हे सुसंस्कृत व सम्पन्न संस्कृतिया थुवाः कथं न्ह्यब्वयाच्वंपिं मध्यय् छगू समृद्ध थरयात उदाय्वर्ग धकाः म्हसीके बियाच्वंगु जुल । भगवान बुद्धयात उपास्य देव व बुद्धधर्म हे थःपिनि कुलायन नालाच्वंपिं उदायत थीथी गुंगू पेशाय् विभाजित जुयाच्वंपिंत छपाः हे कुसां कुइकाः समानताया आधारय् ऐक्यवद्ध यानाः न्ह्यज्यायेत स्वंगु संस्थाया नां 'उदाय समाज' जुल । थुज्वःगु बृहद उद्देश्य पूवंकेत स्वयेमाःगु संस्थाया वर्तमान नायलं थःगु अशिष्ट शब्द व व्यवहारं यानाः उदाय दुनेया हे छगू ब्वति-कसाः गुथि तंचाल । थ्व हे रोषया आवेगय् उगु गुथिं 'समाज'या ज्याय् गुगुं कथं नं सहयोग मयायेगु पर्चाबाजी जुल । थ्व सुयागुं निंतिं बांलाःगु खँ मखुत । उकिं गुथि व समाजया नायःतय्सं थःथःगु द्वंगु वाःचायेकाः क्षमा याचना यायेत संकोच यानाच्वने मजिल ।

- उदास उपासक, येँ ।

More Stories Like this