थौं न्याक्वःगु मिस नेवाः जुइगु

नेपालिज फेशन होमया ग्वसालय् दँय्दसं जुयाच्वंगु मिस नेवाः कासाया थौं लिपांगु धेंधें बल्ला जुइत्यंगु दु । नेवाः मिसापिनिगु प्रतिभा न्ह्यब्वयेगु तातुना न्ह्यानाच्वंगु थुगु मिस नेवाः कासा थ्व न्याक्वःगु खुसि खः । थौं येँया प्रज्ञाभवनया दबुलिइ जुइत्यंगु थ्व कासाय् थुगुसी स्वीखुम्ह नेवाः मय्जुपिंसं ब्वति कयाच्वंगु दु ।

थौं मिस नेवाः अन्तिम दिनया कार्यक‍्रमया लागि तयारी दक्वं सिधये धुंकूगु खँ धाःगु दु । कासाया पूर्व सन्ध्या म्हिगः लैनचौरया होटल मल्लय् कासामि मय्जुपिन्सं केक सहित आयोजक संस्था नेप्लिज फेसन होमयात सुभाय् देछाःगु खः । म्हिगःया ज्याझ्वलय् आयोजक व दक्वं कासामिपिनिगु ब्वति दुगु खः ।

थुगुसीनिसें अनलाइन भोटिङ समेत दुथ्याकूगु थुगु कासाय् अन लाइन भोटिङपाखें दक्कले यक्व भोट काःम्ह मय्जुयात ''भ्युवर च्वाइस''या उपाधिं छाय्पीगु जूगु दु । थुगु अनलाइन भोटिङया निंतिं नेपालमण्डल डट कम पाखें भोट कायेगु ज्या जूगु खः ।

More Stories Like this