बेसाः भाः नियन्त्रण सुनां याइ
नेपालय् बेसाः भाः हाकनं थहां वनाच्वंगु दु । तर थ्व बेसाः भाः छाय् थहां वनाच्वन धइगु खँ धाःसा सुनां नं सीके फयाच्वंगु मदु । न्हापा सछि व खुतकां लाःगु छगू लिटर मुस्यांचिकं आः सछि व पीतका थ्यनाच्वंगु दु । अथे हे केँ, जाकि, चिनिया भाः नं न्हियान्हिथं उकथं हे थहां वनाः आम सर्वसाधारण जनता म्वाये तकं मफइगु अवस्थाय् थ्यनाच्वन नं सरकारं थुखेपाखे मिखा धाःसा ब्वःगु मखं । छु थ्व देय् ध्यबा दुपिनि नितिं जक खःला यदि अथे मखुगु खःसा सरकारं आम गरिब सर्वसाधरण जनतायात लिच्वः लाइकथं थहां वनाच्वंगु बेसाः भाः पनेगु कुतः छाय् मयात धइगु न्ह्यसः थन ब्वलनाच्वंगु दु । कि सर्वहारा वर्गया प्रतिनिधित्व धइगु सरकारं नं जनतायात ध्वं लानाच्वंगु जक मखु ला । यदि अथे मखु धइगु खःसा याकनं स्वयां याकनं बजाः भाः अनुगमन यानाः आम जनतायात जुयाच्वंगु समस्या समाधान यायेगु कुतः यायेमाः । मखु धइगु खःसा हाकु बजाः यानाच्वंपिनिगु कारणं हे सरकारया दुगु विश्वास मदया वनी ।
- रुपक महर्जन, येँ ।
More Stories Like this
केन्द्रया अनुमति कयाः आर्थिक ज्या जुइ मखु प्वंकेमखंगु श्रद्धांजिल सुवर्ण शाक्य कि सुवर्णकेशरी ? लाःलाःथें भाःथकाये मजिल बांलाःगु सुझावयात सुभाय्
