मिस नेवाः ट्यालेन्ट शो

मिस नेवाः कासाया छगू महत्वपूर्ण इभेन्ट ट्यालेन्ट शो क्वचाःगु दु । डिसेम्वर २५ तारिख कि्रसमसया दिं विश्वन्यंक थीथी थासय् कि्रसमस हनाच्वंगु इलय् मिस नेवाःया प्रतियोगीत धाःसा यलया होटल हिमालय दुने थःगु प्रतिभा ब्वयाच्वंगु खः ।

मुक्कं ३६ म्ह प्रतियोगीत दुथ्याःगु मिस नेवाःया प्रतियोगी मय्जुपिन्सं गुम्हसिनं म्ये, गुम्हसिनं हुलाप्याखं, गुम्हसिनं बाजं आदि न्ह्यब्वःगु खः । थुगु प्रतियोगीताय् दक्कले बांलाक प्रतिभा न्ह्यब्वःम्ह मय्जुयात 'मिस यूएफओ ट्यालेन्ट' (Miss UFO Talent) उपाधि लःल्हाइ ।

थुगु ट्यालेन्ट शो पाखें सचिन श्रेष्ठ, प्रेम शाह, पवित्र कसा, राजु नापित व रविन साय्मिया जज पुचलं दक्कले प्रतिभावान मय्जु ल्यःगु दु । थुगु घोषणा पुष १५ गते जुइगु मिस नेवाःया मू ज्याझ्वलय् जुइ ।

More Stories Like this