बांलाःगु ज्यायात सुभाय्
सम्पादकजु,
ने.सं. ११२९ थिंलागा १५ कुन्हु १५ वडा चःमितं छगू ज्याझ्वलय् भाजु पूर्णकाजी ज्यापुयागु 'ज्ञानया झ्याः' धइगु भजनया सी.डी. विमोचन यात । व सी.डी. स्वयाः व न्यनाः मन तसकं लय्ताः । छाय्धाःसां सी.डी. कभरय् थःगु नापं भजन गुरुपिनिगु किपा तयाः गुरुपिंत लुमन्ति धकाः गुरुपिंत लुमंकाः माने यानादीगुलिं पूर्णकाजी ज्यापुयात जिगु दुनुगलंनिसें सुभाय् देछानाच्वना । थुगु सी.डी. न्यनेधुंकाः जितः धायेमास्ती वःगु नुगःया खँ थुकी दुथ्याकातःगु च्यापु भजनत हे बांलाः जू । उकी दुने नं जितः तसकं यःगु निपु भजन दु 'झीपिं सकलें' धाःगु पन्नाकाजी शाक्ययागु लय माणिक शाही व रीता महर्जनयागु सः दुगु भजन । मेगु 'गबलें गबलें' धाःगु पुर्णकाजी ज्यापुयागु लय व ईश्वर अमात्ययागु सःयागु भजन । लिपा लिपा नं थथे हे बांबांलाःगु भजनत दुथ्याःगु सी।डी। याकनं याकनं पिकयावं वने फयेमा धइगु दुनगलंनिसें कामना यानाः थुकी ज्या सनादीपिं दक्वसितं यक्व यक्व सुभाय् देछानाच्वना ।
- कृष्णमान डंगोल,
मखं गल्ली, तुंछेबहाः, येँ ।
More Stories Like this
केन्द्रया अनुमति कयाः आर्थिक ज्या जुइ मखु प्वंकेमखंगु श्रद्धांजिल सुवर्ण शाक्य कि सुवर्णकेशरी ? लाःलाःथें भाःथकाये मजिल बांलाःगु सुझावयात सुभाय्
