३ गते भव्य याये नु
नेवाःतय्गु अधिकार कायेत नेवाः स्वायत्त राज्य संघर्ष समितिं थ्वहे वइगु माघ ३ गते नेपालमण्डलय् शक्ति प्रदर्शन यागुत्यंली झी सकल नेवाःतय्सं ब्वित कयाः साथ बीमाःगु दु । आः नेवाःतय्गु अस्तित्व बचे यायेगु खःसा सकलें नेवाःत जानाः थःगु शक्ति नं क्यनेमाःगु आवश्यकता दु । तराईलय् मधेशी समुदायं गज्याःगु शक्ति क्यनाच्वन झीसं खना हे च्वनागु दु । मधेशी जक मखु थौंकन्हय् लिम्बू， तामाङ्ग， गुरुङ्ग जक मखु चेपाङ्ग समुदाय नापं थःपिंत अलग्ग प्रदेश माः धकाः आन्दोलन यानाच्वंगु दु । थज्याःगु इलय् झी नेवाःत जक सुम्क च्वनाच्वंगु थें च्वं । फुक्क आन्दोलन जुयाच्वंगु इलय् नेवाःत सुम्क च्वन धाःसा छाय् सुम्क धइगु पक्का नं प्रश्नचिन्ह वइ । उकिं माघ ३ गते जुइगु प्रदर्शनयात भव्य रुपं सफल यायेगु लागिं सकस्यां फुफुकथं ग्वाहालि यायेमाःगु दु ।
- सुमन ताम्राकार, मरु येँ ।
More Stories Like this
केन्द्रया अनुमति कयाः आर्थिक ज्या जुइ मखु प्वंकेमखंगु श्रद्धांजिल सुवर्ण शाक्य कि सुवर्णकेशरी ? लाःलाःथें भाःथकाये मजिल बांलाःगु सुझावयात सुभाय्
