झन जक जाम का

थौंकन्हय् सरकारं गाडीयाःगु चापयात ध्यानय् तयाः खुसि सिथय् सिथय् थीथी थासय् लँ दयेकाः सुविधा बियाच्वंगु दु । थ्व पुलांगु हे योजना खःसां आः चाहिं पीच नं यानाः सवारी साधनतय्त अःपुगु व शर्ट कट लँ मालेत अःपुगु अवसर बियाच्वंगु दु । थ्व तसकं बांलाःगु व च्वछायेबहगु ज्या खः । तर सरकारपाखें थ्व बांलाःगु ज्या याःसां अज्याःगु लँयाःगु चोक चोकय् लाक्क धाःसा न्ह्याबलें गाडी जाम जुयाः तसकं समस्या जुयाच्वंगु दु । अन न्हापा हे छपु लँ दयाच्वनीगु जुल । आः हानं छपु लँ बढे जूबलय् निपु लँ ल्वाइथाय् लाक्क चोक बने जुयाः अज्याःथाय् न्ह्याबलें जाम जुयाच्वनी । अन ट्राफिक नं वइ मखु । पुलांगु लँ चिबाला जुयाच्वनी । सने तकं दइ मखु । अले याकनं वने धकाः स्वःसा घण्टौं जाम जुया बी । लँ जकं दयां छु यायेगु उकियात व्यवस्थित याये फुगु मखु । माल पाएर के गर्नु चाल पाए पो धाः थें जुयाच्वन थ्व लँ ला । लँ दु थें उकियात व्यवस्थित यायेफुसा जक अज्याःगु लँया नं फाइदा दइ । मखुसा झन झन्झट का ।

- मिठाराम श्रेष्ठ, येँ ।

More Stories Like this