सन् २०१० विश्वकप फुटवलया ड्र सार्वजनिक

सन् २०१०य् दक्षिण अफ्रिकाय् जुइगु विश्वकप फुटवलया पुचः ल्यज्या जूगु दु ।

शक्रवाः केपटाउनया अन्तर्राष्ट्रिय सम्मेलन केन्द्रय् जूगु पुचः ल्यज्या कथं समुह जीलय् दकलय् कडा धेंधेंबल्ला जुइगु जूगु दु । थुगु पुचःलय् ब्राजिल, उत्तर कोरिया, कोटे डी आईभोरी व पोर्चुगल लाःगु दु । फुटवल विज्ञंतय्सं थुगु पुचःयात हे 'ग्रुप अफ डेथ' नं धाःगु दु ।

सन् २००६या विश्वकप विजेता इटाली लगायत जर्मनी, बेलायत धाःसाः तुलनात्मक रुपं अपूगु पुचःलय् लाःगु दु । विश्वकप सन् २०१० जुन ११ तारिखय् शुरु जुयाः जुलाई ११ कुन्हु फाइनल कासा जुइगु ज्याझ्वः दु ।

पुचः ल्यज्या थुकथं दु :-

ग्रुप ए
दक्षिण अफ्रिका, मेक्सिको, उरुग्वे व फ्रान्स

ग्रुप बि
अर्जेन्टिना, दक्षिण कोरिया, नाईजेरिया व ग्रिस

ग्रुप सि
बेलायत, अमेरिका, अल्जेरिया व स्लोभानिया

ग्रुप डि
जर्मनी, अष्ट्रेलिया, घाना व सर्बिया

ग्रुप इ
नेदरल्यान्द, जापान, केमरुन व डेनमार्क

ग्रुप एफ
इटली, न्यूजिल्याण्ड, पाराग्वे व स्लोभाकिया

ग्रुप जी
ब्राजिल, उत्तर कोरिया, कोटे डी आईभोरी व पोर्चुगल

ग्रुप एच
स्पेन, होण्डुरस, चिली व स्विजरल्याण्ड

More Stories Like this