गतिरोध चीकेत सकारात्मक कुतः
राजनीति गतिरोध तच्वया वनाच्वंगु इलय् माओवादी नेता व राष्ट्रपतिया दथुइ नाप लायेगु ज्या नं तीव्र जुजुं वनाच्वंगु दु। थ्व राजनीतिक गतिरोधया ज्यंकेगु निंतिं छपु बांलाःगु लँपु जुइफु ।
वंगु छुं न्हि न्ह्यः जक माओवादीया अध्यक्ष सहित राष्ट्रपतियात नाप लायेगु ज्या जूगु खःसा वयां छुं न्हि लिपा माओवादीया उपाध्यक्ष लिसे नं राष्ट्रपतिं खल्हाबल्हा यानादीगु सकारात्मक खः। अले थ्व सहलहया झ्वलय् राष्ट्रपति राजनीतिक पार्टीतय् दथुइ सहमति कायम याना वल धाःसा थम्हं उकियात स्वीकार यायेगु धकाः गुगु उदारता क्यनादिल थ्व च्वछाये बहःगु खँ खः धकाः धायेमाः ।
खतुं थौं ब्वलनाच्वंगु राजनीतिक गतिरोधया चीकेगु निंतिं राष्ट्रपतिं थज्याःगु पलाः न्हापा हे छीमाःगु खः तर थीथी राजनीतिक कारण यानाः हे जुइमाः राष्ट्रपतिं उगु इलय् अज्याःगु पलाः छी मफुत। तर आः वयाः राष्ट्रपतिं गुगु कथं थम्ह नं समस्या ज्यंकेगु कुतः यानाच्वंगु दु थुकियात फुक्कं राजनीतिक पार्टीतय्सं लसकुस यायेमाः ।
समस्या ज्यंकेत राष्ट्रपति तयार जुइ धुंकूगु दु। मू खँ धइगु आः राजनीतिक पार्टीतय् दथुइ सहमति कायम यायेगु हे जक खः धइगु खँ दुविधा मदयेमाःगु खः।
उके आः राजनीतिक पार्टीतय्सं गुलिफु उलि याकनं थवं थवय् सहमति कायम यानाः याकनं समस्या ज्यंकेगु कुतः यायेमाः ।
मखु राजनीतिक पार्टीत गतिरोध चीकेगुलिं उदासिन जुल धाःसा थौं गथे जनतां हे थीथी स्वायत्त राज्य घोषणा याये थें मेमेगु अप्रिय पलाः छीत जनता बाध्य मजुइमाः !
More Stories Like this
छाय् जुइ थपाय्जिगु अपराध? जनतायात सास्ती जुइगु विरोध मजिल उपप्रमपाखें भारतय् याःवंगु ब्रिफिंग अपराध व राजनीति आः नापनापं हे माओवादी सहमतिया थीथी पक्ष
