सतक सतकय् हे नेवाः ध्वाँय्
येँ (सन्ध्या टाइम्स)/नेवाः स्वायत्त राज्य घोषणा यायेगु तयारीया झ्वलय् म्हिगः नेवाः स्वायत्त राज्य मंकाः संघर्ष समिति जातीय खलः पुचः समन्वय समितिया मुँज्या च्वन । मुँज्या वइगु पुस ११ गते नेवाः स्वायत्त राज्य घोषणा यायेधुंकाः बहनी थःथःगु त्वालय् दिपावली यायेगु निर्णय याःगु दु ।
अथे हे हरेक खलः पुचःतय्सं थःथःगु लागाया दुवातय् सतकय् तुं नेवाः ध्वाँय्या किपा च्वयेगु भाला नं थीथी जातीय खलः पुचःतय्सं काःगु दु ।
लिसें पुस ११ गते थःथःगु त्वालय् नेवाः स्वायत्त राज्य घोषणाया ब्यानर खायेगु निर्णय नं याःगु दु। निर्णय कथं येँ, यल, ख्वप, भ्वँत, धौख्यः, पन्ति, टिस्टुङ, पालुङ लागाय् तकं प्रत्येक नेवाःतय् छेँय् छेँय् थुकथंया ब्यानर खाइगु जूगु दु।
थ्वहे झ्वलय् नेवाः दुनेया सकलें जाति जानाः थ्वहे मंसिर २७ गते येँया बसन्तपुली नेवाः स्वायत्त राज्यया निंतिं मंकाः प्रतिवद्धता प्वंकेगु ज्याझ्वः यायेगु निर्णय नं याःगु दु ।
नेवाः स्वायत्त राज्य घोषणा ज्याझ्वःयात झःझः धायेकेत मेमेगु नं ज्याझ्वः घोषणा यायेगु तयारी जुयाच्वंगु दु ।
More Stories Like this
जातीय संघीयताया खँय् नेमकिपा प्राडो, पाजेरो ब्वाकेगु ख्यः मखु राष्ट्रपति प्रणाली बारे विवाद नेवाःतय्त जागृत याइगु 'नेपाःमिया नुगः सः' खँ स्वनिगःया
