मिस नेवाःया आधार
सम्पादकजु,
थौं कन्हय् 'सन्ध्या टाइम्स'य् मिस नेवाः ११२९ या प्रतिस्पर्धीतय् म्हसीका पिदनाच्वंगु दु । छगू निगू मगाःगु मचाःगु म्हसीकाया बारे न्ह्यथनाच्वना । मिस नेवाः जुइमा वा मिस नेपाल जुइमा उकी ब्वति काइपिनिगु लागिं छगू न्यूनतम आधार तय जूगु जुइमाः । गथे कि :-
१. बुन्हि : म्होतिं नं नीदँ दुपिं जुइमाः । नीदं क्वय् च्वंपिं मजिउ । मिसात नीदँ मथ्यंतले शरीर पूरा विकास जुइ मखु ।
२. शिक्षा : धाइ मिस नेवाः जुइगु म्ह ब्वयेगु मखु । जेहन्दार याने ट्यालेन्ट न्ह्यब्वयेगु नं खः । तर यदि शिक्षा हे मगाः धाःसा ईपं गथे ट्यालेन्ट जुइ उकिं मिसा जुइपि फःसा स्नात्तक तक ब्वनातःपिं जुइमाः । तर मिस नेवाःया प्रतिस्पर्धीतय् शिक्षा न्ह्यथनातःगु मदु ।
३. नेवाःभाय् बांलाक ल्हाये सःपिं व ब्वने फुपिं जुइमाः । थथे माःगु मेमेगु नं स्तर दइ । अज्याःगु न्युनतम स्तरय् थ्यंपित जक ब्वति कायेकेगु नियम दयेकेमाः ।
- डा. तुल्सीनारायण श्रेष्ठ
More Stories Like this
केन्द्रया अनुमति कयाः आर्थिक ज्या जुइ मखु प्वंकेमखंगु श्रद्धांजिल सुवर्ण शाक्य कि सुवर्णकेशरी ? लाःलाःथें भाःथकाये मजिल बांलाःगु सुझावयात सुभाय्
