जुजु लिहां वइन हं !
गणतन्त्र हयेगु लागिं ज्यान प्राण बियाः आन्दोलन याःपिं पार्टीत थौंकन्हय् देश विकास यायेगु खँ सिबें नं थःथः ल्वानाः ई सितिकं छ्वयाच्वंगु दुसां मेखेपाखे कमल थापा थेंज्याःपिं पुलांपिं पाचत व जुजुवादी नेतातय्सं धाःसा खुल्लम खुल्ला न्ववानाः आः जुजु हानं लिहां वइतिनि धकाः भाषण यानाच्वंगु दु । यदि जुजु लिहां वइतिनिगु खःसा थौंया राजनीतिक पार्टीत छु स्वयाच्वंगु खः थें पार्टीतय्गु पहचह स्वयेबलय् ला जुजु धाथें लिहां वइगु खः लाकि धइगु नं डर जुयाच्वंगु दु । थौंया वाईसीएल युथ फोस्र धाःपिंसं जनतायात सास्ती बियाच्वंगु खनीबलय् यदि धाथें पुलांम्ह जुजु लिहां वल धाःसा जनतां दिपावली यानाः लसकुस यायेत नं बेर दइ मखु । अबलय् नेतात धाःपिं फुक्कं स्वःगु स्वलं तुं जुयाच्वनेफु । जुजुया पालय् सिबें अप्वः बेसाःभाः थहां वनाच्वंगु दुसा हत्या हिंसा नं उलि हे मात्राय् बढे जुयाच्वंगु दु । व्यापारीतय्सं धाःधाः थें सरकारं व पार्टीतय्सं यानाच्वंगु दु छाय्धाःसां चुनावबलय् पार्टीतय्सं चन्दा कायेमाःपिं थ्वहे व्यापारीत खः । व्यापारीतय्सं हे चन्दा बियाः पार्टीत चले यानाच्वंगु दु । आः चन्दा कायेधुंकल कि ला नूनको सोझो ला याये हे माल । अय् जुयाः आः झीगु देश शाही शासनय् सिबें नं अवस्था तसकं स्यनाच्वंगु खः । जुजु लित हयेगु धकाः खुल्लम खुल्ला पाचतय्सं धाये फयाच्वंगु दु तर सुनां नं छुं याये फयाच्वंगु धाःसा मदु । पार्टीवालातय्सं सतर्क जुयाः ध्यान बीमाः थें च्वं ।
- मिलन, बिनु वज्राचार्य, स्वयम्भु ।
More Stories Like this
केन्द्रया अनुमति कयाः आर्थिक ज्या जुइ मखु प्वंकेमखंगु श्रद्धांजिल सुवर्ण शाक्य कि सुवर्णकेशरी ? लाःलाःथें भाःथकाये मजिल बांलाःगु सुझावयात सुभाय्
