तुंथिया शुल्क बारे
सम्पादकजु,
वंगु पुस ६ गते 'सन्ध्या टाइम्स'या 'जिगु नं धायेगु दु' स्तम्भय् 'सार्वजनिक तुंथिइ शुल्क' धाःगु पौ ब्वनाः दुःख ताल । उकी लय्पतिकं ५० तका दां व्यक्तिं नयाच्वन धाःगु खँ वास्तविकता मखु । छाय्धाःसां स्वदँ न्ह्यः उगु तुंथि सुके जूगु खः, उकिं तुंथिइ चक्का कुर्काः ट्युब वेल तयाः त्वाःया बासिन्दातय्त लः बीत लाइन तयाः लः बियाच्वनागु खः । त्वाःया दाजुकिजा तताकेहेंपिं जितः पम्प मर्मत सम्भारया ज्या याकल । ट्यूबवेल (ह्याण्ड पम्प) स्यन कि मर्मत यायेत ५० तका दरं मुंकाः पार्टपूर्जा न्यायेत बिउगु खः । सुना नं नयेत बिउगु मखु । दयेकेत बिउगु खः । सार्वजनिक तुंथिइ ट्यूबवेल (ह्याण्ड पम्पु) पम्प शुल्कया सम्बन्धय् सम्पादकजुयात पौ च्वयादीम्ह भाजु/मय्जु न्ह्याम्ह हे जुइमा वय्कःयात जिगुपाखें यक्व यक्व सुभाय् दु । नापं जितः थःगु लिसः च्वयेगु अवसर बियादीगुलिं सम्पादक भाजुयात नं यक्व यक्व सुभाय् बियाच्वना ।
- गोविन्दा श्रेष्ठ समाजसेवी
दमाइत्वाः येँ १९ वडा
More Stories Like this
केन्द्रया अनुमति कयाः आर्थिक ज्या जुइ मखु प्वंकेमखंगु श्रद्धांजिल सुवर्ण शाक्य कि सुवर्णकेशरी ? लाःलाःथें भाःथकाये मजिल बांलाःगु सुझावयात सुभाय्
