माओवादीया थ्व छु पहः ?

झीगु देशय् न्हूगु सरकार अर्थात संघीय जनवादी गणतन्त्र वःगु ला फुक्क नेपाःमितय्सं सि हे सिउ । सरकारं आः तक ला शान्ति प्रक्रिया व सकारात्मक ढंगं हे सरकार चले यानाच्वंगु दु । आः वयाः न्हूगु संविधान दयेकेगु प्रक्रिया शुरु याःगु दु । थ्व बांलाःगु हे खँ जुल । थ्व संविधान दयेकेबलय् जनसाधारण मनूतय्सं थुइगु कथंया शव्द (आखःग्वः) प्रयोग याःसा बांलाइ धकाः जिमिसं थःगु नुगःखँ 'जिगु नं धायेगु दु' स्तम्भ मार्फत व्यक्त यानाच्वना । संविधान दयेकेबलय् भ्रम व उपभ्रंश शव्दत मछ्यलेत इनाप यानाच्वना । छाय्धाःसां थ्व भ्रम व अपभ्रंश शव्दं झी नेपाःमितय् सन्ततीयात बांमलाःगु लिच्वः लाः वनीगु जिमिसं वाःचायेकाच्वना । थ्व खँय् सम्बन्धित निकायया ध्यान आकर्षित जुइ धकाः जिमिसं भलसा कयाच्वना ।

- विजयकुमार श्रेष्ठ, राजीव राजोपाध्याय, राजन शर्मा राजोपाध्याय, बिनीसा भट्टराई, श्रृजना श्रेष्ठ
ने. म्येचाः लिधंसा गुथि, न्हाय्कंत्वाः येँ व पासा पुचः ।

More Stories Like this