अध्ययन यानाः च्वयेमाः
सम्पादकजु,
ने.सं. ११२९ थिंलागा ३ सोमवाःया 'सन्ध्या टाइम्स'य् 'आइन्स्टाइन नं कलाः पीडित' शीर्षकय् 'एटम बम दयेकेगु सूत्र पत्ता लगे यानाः नोबेल सिरपाः त्याकूम्ह विश्वविख्यात वैज्ञानिक अल्बर्ट आइन्स्टाइन…' धकाः च्वयातल । आइन्स्टाइनयात नोबेल सिरपाः एटम बम दयेकेगु सूत्र पत्ता लगे याःगुलिं बिउगु मखु । आइन्स्टाइनयात फोटो इलेक्ट्रिरक इफेक्ट अथवा निभाः छुं धातुइ लात कि उकिं इलेक्ट्रोन वांछ्वइगु गुगु प्रकि्रया खः उकिया अध्ययन अनुसन्धानयात कयाः नोबेल सिरपाः बिउगु खः ।
अथे हे तुं ११२८ कौलागा ११ या चाकःलि पांपांस भाजु रिवं च्वयादीगु 'गुकथं जुल चश्माया अविष्कार' नांगु च्वसुइ 'कन्भेक्स लेन्स तापाकं स्वये मफुपिंसं अले कन्केभ लेन्स न्ह्यःने स्वयेमफुपिंसं प्रयोग याइगु' धकाः च्वयातःगु दु । थुकिया च्वमि अंगे्रजी खँग्वः 'शर्ट साइटेडनेस' व 'लङ्घग साइटेडनेस' लिसे झुक्के जूगु खनेदु । 'शर्ट साइटेडनेस'या अर्थ तापाकं स्वये मफुिपं खः । थज्याःपिंसं कन्केभ अथवा माइनस पावरया चश्मा तयेमाः । अथे हे तुं 'लङ्ग साइटेडनेस'या अर्थ न्ह्यःने बांलाक खने मदुपिंत धाइगु खः । थुमिसं कन्भेक्स अर्थात प्लस पावरया चश्मा तयाः न्ह्यःने स्वइ । थुपिं निग्वः खँग्वःया अर्थय् यक्वस्यां दापु जू तर च्वमिपिं जुइ मजिउ । सुभाय् ।
- चिनिया शाक्य
(छम्ह चश्मा व्यवसायी)
More Stories Like this
केन्द्रया अनुमति कयाः आर्थिक ज्या जुइ मखु प्वंकेमखंगु श्रद्धांजिल सुवर्ण शाक्य कि सुवर्णकेशरी ? लाःलाःथें भाःथकाये मजिल बांलाःगु सुझावयात सुभाय्
