माओवादीया थ्व छु पहः
समपादकजु,
माओवादीतय्सं हिमाल पत्रिकाय् तोडफोड याःगु ज्यां यानाः नेपाःया पत्रकारत तम्वयाच्वंगुलिं सतकय् वयाः जुलुस पिकयाच्वंगु दु । धाथें माओवादीतय्गु छु पह खः गबलें पत्रिकाया ज्याकुथी आक्रमण याइगु गबलें चाहिं उद्योग व्यवसायीतय्त आक्रमण याइगु । आः ला देशय् गणतन्त्र वयेधुंकल । गणतन्त्र धइगु माओवादीं हे माग यानाः वःगु व्यवस्था खः । आः उमिसं धाःगु व्यवस्था वयेधुंकाः उमिसं हे थथे आक्रमण यायेगु खःसा जनतां थ्व व्यवस्था छु यायेत माल धकाः न्ह्यसः मतइ ला थःगु बारे समाचार पिहां वःगु चित्त बुझे मजूसा उकियात खण्डन याके जिउ । मुद्दा हे तःसां जिउ । मुद्दा त्याकाः क्यंसा ला बांलाः हे जुइगु खः । गुण्डागर्दी शैली ज्वनाः आक्रमण याःबलय् पत्रिकाय् उमित गुण्डा धकाः ब्वः बियातःगु धाथें पाय्छि हे जुल । आःया जमानाय् नं गुण्डा शैलीं ज्या जुइ ला माओवादीया कार्यकर्तात उकिया अध्यक्ष कामरेड प्रचण्डया नियन्त्रणय् हे मदु लाकि छु मखुसा ला थथे मजुइमाःगु खः ।
- हर्ष वज्राचार्य ताहाचः, येँ ।
More Stories Like this
केन्द्रया अनुमति कयाः आर्थिक ज्या जुइ मखु प्वंकेमखंगु श्रद्धांजिल सुवर्ण शाक्य कि सुवर्णकेशरी ? लाःलाःथें भाःथकाये मजिल बांलाःगु सुझावयात सुभाय्
