भन्तेनं थःगु हिलेमाःगु छाय् थें !
सम्पादकजु,
नेपालभाषाय् 'योम्ह म्ह्याय्' उपन्यास अनुवाद यानाः श्रेष्ठ सिरपालं छाय्पिउम्ह छम्ह नेवाः भिक्षु ज्ञानपूर्णिक नामं आपास्यां म्हसिउम्ह जुल । थुम्ह हे भन्तेनं गनंगनं पालि उच्चारण कथं थःगु नां भिक्षु ञ्यणपुञ्ञिक धकाः नं च्वयातःगु ब्वनेदु । बानेश्वरया विश्व शान्ति विहारय् ताः इलंनिसें निवास याना बिज्यानाच्वंम्ह वसपोलया प्रव्रजित जीवन हंगु ५० दँ क्यंगु विशेष उत्सव ज्याझ्वः याइगु बुखँ नं न्यने दयाच्वंगु दु । थुज्वःम्ह व्यक्तिं हालसालय् हे तिनि थःगु नां हिलाः च्वसु पिथंगु खनाः धाःसा अजू चाल । आशाराम शाक्य स्मृति ग्रन्थ व धर्मरत्न शाक्य 'त्रिशूलि' लुमन्ति सफुली अनयागु किपा क्वसं च्वयातल - श्रमण ज्ञांजाः । थुकिया अभिप्राय भन्तेनं थुइका बिज्याइ धइगु भलसा कयाच्वना ।
- उदास उपासक येँ ।
More Stories Like this
केन्द्रया अनुमति कयाः आर्थिक ज्या जुइ मखु प्वंकेमखंगु श्रद्धांजिल सुवर्ण शाक्य कि सुवर्णकेशरी ? लाःलाःथें भाःथकाये मजिल बांलाःगु सुझावयात सुभाय्
