स्वक्वःगु एसियन ईन्डोर कासाय् वनेत्यंपिं कासामिया प्रमपाखें विदाइ

प्रधानमन्त्री माधवकुमार नेपालं कासाया माध्यमं नेपाःया नां व प्रतिष्ठायात जोगेयानातयेत कासामितय्त सदां तत्पर जुयाच्वनेमाःगु धयादिल । भियतनामय् जुइत्यंगु स्वक्वःगु एसियन ईन्डोर कासाय् वनेत्यंपिं कासामिया विदाई ज्याझ्वलय् प्रधानमन्त्री नेपालं कासामिं कासाया माध्यमं नेपाःया नांयात हिलंया न्ह्यःने म्हसिकेफत धाःसा जक नेपाःमिया नां उच्च जुइगु धयादिल । बर्षौं निसें मदिक्क कासा क्षेत्रय् क्रियाशिल कासामिया सेवा सुविधा व योग्यता अप्वयेकेत सरकार प्रतिबद्ध जूगु धयादिसें वय्कलं कासाप्रति इमान्दार जुयाच्वनेत इनाप नं यानादिल । कातिक १३ गते निसें सुरु जुइगु स्वक्वःगु एसियन ईन्डोर कासाय् स्वीनिम्ह नेपाःमि कासामिं बक्सीङ चेस आर्चरी विलियड नापंया कासाय् ब्वति कायेत्यंगु दु ।

More Stories Like this