इन्टरनेट लाइन मदुसां इन्टरनेट चले यायेज्यू

छिथाय् छेँ, अफिसय् इन्टरनेट लाइन मदयाः दिक्क जुया दियागु दुसा आः धन्दा कयादी म्वाःल । इन्टरनेट लाइन मदुसां इन्टरनेट चले यायेज्यू । थुकिया लागि थःगु छुं ईमेल छगू धाःसा दयेमाः । छुं नं इन्टरनेट सेवा प्रदायक कम्पनीपाखें कयातःगु ईमेल (पप मेल) पाखें छिं याउँक हे इन्टरनेट वेबसाइट स्वयेगु व सर्च यायेगु यानादी फइ ।

इन्टरनेटय् थःत छुं जानकारी माःगु दु तर थःके इन्टरनेट लाइन मदुसा थःत छु विषयया जानकारी माःगु खः उगु खँग्वः वा वाक्य ईमेलया Subject य् च्वयाः छिं google@capeclear.com य् छगू ईमेल व्छयादिल धाःसा उगु विषयलिसे सम्बन्धित वेबसाइटत गुगल सर्च इन्जिन मार्फत मालाः थुकिया लिच्वः छिगु ईमेलय् थ्यनी ।

थुकथं थःत माःगु छुं वेबसाइटया एड्रेस दयेधुंकाः उगु वेबसाइट स्वयेया लागि web@pagegetter.com य् ईमेल छगू व्छयाः थःत माःगु वेबपेज थःगु ईमेलय् कायेफइ । थुकिया लागि web@pagegetter.com य् ईमेल व्छयेबलय् थःम्हं स्वये चाहे जूगु वेबसाइटया एड्रेस ईमेलया Subject य् च्वयाः व्छयेमाः ।

More Stories Like this